നടി രാഖി സാവന്തിനെ എല്ലാവര്ക്കും അറിയാം. പലപ്പോഴായി വിവാദങ്ങളില് അവര് നിറഞ്ഞുനില്ക്കാറുണ്ട്. റിയാലിറ്റി ഷോയില് വിജയിക്കുന്നയാളെ വിവാഹം ചെയ്യുമെന്നുള്ള വീരവാദമെല്ലാം നേരത്തെ അവര് മുഴക്കിയിരുന്നു. പിന്നീട് ബിഗ് ബോസിലും അവര് സാന്നിധ്യമറിയിച്ചിരുന്നു. മത്സരാര്ത്ഥിയായി എത്തി വലിയ വിവാദങ്ങളും അവര് ഉണ്ടാക്കിയിരുന്നു.
അതേസമയം രാഖി സാവന്ത് ഇപ്പോള് വാര്ത്തകളില് നിറഞ്ഞിരിക്കുന്നത് വമ്പനൊരു വെളിപ്പെടുത്തലിന്റെ പേരിലാണ്. രാഖിയുടെ മുന് ഭര്ത്താവ് റിതേഷ് സിംഗിനൊപ്പം അവരെ മുംബൈ വിമാനത്താവളത്തില് വെച്ച് മാധ്യമപ്രവര്ത്തകര് കണ്ടിരുന്നു. പാപ്പരാസികളുമായി അവര് സംസാരിക്കുന്ന വീഡിയോയാണ് ഇപ്പോള് സമൂഹമാധ്യമങ്ങളിൽ ശ്രദ്ധ നേടുന്നത്.
അംബാനി കുടുംബം തനിക്ക് സമ്മാനമായി നല്കിയതാണ് ഈ വജ്ര മോതിരമെന്ന് അവര് വെളിപ്പെടുത്തിയിരുന്നു. ഇതിന്റെ വീഡിയോ ആണ് ഇപ്പോള് വൈറലായിരിക്കുന്നത്. മുന് മിസ് യൂണിവേഴ്സ് സുസ്മിത് സിംഗിന്റെ കൈയ്യിലുള്ള മോതിരത്തേക്കാള് വലിയ വജ്രമാണ് ഇതില് പതിപ്പിച്ചിരിക്കുന്നതെന്ന് അവര് പറഞ്ഞു. സുസ്മിത സെന്നിന് മോതിരം സമ്മാനിച്ചത് അനിൽ അംബാനി ആണെന്നും രാഖി പറയുന്നു.
ആനന്ദ് അംബാനിയുടെ പ്രീ വെഡ്ഡിംഗിന്റെ സമയത്ത് അംബാനി കുടുംബം തന്നതാണ് ഈ മോതിരമെന്ന് രാഖി സാവന്ത് പറഞ്ഞു. മുകേഷ് അംബാനിയും അദ്ദേഹത്തിന്റെ പത്നി നിതാ അംബാനിയും ആണ് തനിക്ക് മോതിരം സമ്മാനിച്ചതെന്നും രാഖി അവകാശപ്പെടുന്നു. പ്രീ വെഡ്ഡിംഗില് തന്റെ നൃത്തപരിപാടി നടന്നതിന് ശേഷമാണ് സമ്മാനമായി ഈ വജ്ര മോതിരം തന്നതെന്നും അവര് പറഞ്ഞു. അതേസമയം അന്പത് കോടിയുടെ വില ഈ വജ്ര മോതിരത്തിനുണ്ടെന്നും അവര് പറഞ്ഞു.