ഒരു വലിയ നടന്റെ വണ്ടി പിന്തുടർന്ന് എത്തിയ എക്സൈസ് സംഘം തുറന്ന് പരിശോധിച്ചിരുന്നെങ്കിൽ മലയാളം സിനിമ ഇൻഡസ്ട്രി അന്ന് പൂട്ടിയേനെ: താരങ്ങൾക്കിടയിൽ ലഹരി ഉപയോഗത്തെക്കുറിച്ച് തുറന്നടിച്ച് ബാബുരാജ്; ലഹരിക്കാരുടെ പട്ടിക കയ്യിലുണ്ടെന്നും അമ്മ ഭാരവാഹി – വീഡിയോ.

‘സിനിമാ സംഘടനകളുടെയും പോലീസിന്റെയും കയ്യില്‍ ലഹരി ഉപയോഗിക്കുന്ന മുഴുവന്‍ താരങ്ങളുടെയും ലിസ്റ്റ് ഉണ്ട്. ലഹരി ഇടപാട് നടത്തി പിടിക്കപ്പെടുന്നവര്‍ ഇത് ആര്‍ക്കു വേണ്ടിയാണ് കൊണ്ടു പോകുന്നതെന്ന് കൃത്യമായി പോലീസിനോടു പറയും. ഞങ്ങള്‍ക്ക് അത് കൃത്യമായി അയച്ചു തരുന്നുണ്ട്. ‘അമ്മ’യുടെ ഓഫിസില്‍ ലിസ്റ്റ് ഉണ്ട്.

‘പിടിക്കപ്പെടുന്നവരെ ചോദ്യം ചെയ്യുമ്ബോള്‍ ആര്‍ക്കു വേണ്ടിയാണിത് കൊണ്ടുപോവുന്നതെന്ന് പറയുന്നുണ്ട്. ഒരിക്കല്‍ ഇങ്ങനെ പിടിക്കപ്പെട്ടയാള്‍ മൊഴി കൊടുത്തിട്ട് ഒരു ഉന്നത എക്‌സൈസ് ഉദ്യോഗസ്ഥന്‍ പിന്തുടര്‍ന്നെത്തിയത് ഒരു വലിയ നടന്റെ വണ്ടിയുടെ പുറകെയാണ്. അന്ന് ആ വണ്ടി നിര്‍ത്തി തുറന്നു പരിശോധിച്ചിരുന്നെങ്കില്‍ മലയാള സിനിമാ ഇന്‍ഡസ്ട്രി അന്ന് തീരും. അതൊക്കെ നഗ്നമായ സത്യങ്ങളാണ്. ആ ഉദ്യോഗസ്ഥന്‍ ചെയ്യുന്ന ജോലി വെറുതെയായാലോ എന്നു കരുതിയിട്ടാവാം അതെല്ലാം അവിടെവച്ച്‌ നിന്നത്.’