തൃശൂര്: പ്രധാനമന്ത്രി നരേന്ദ്ര മോദിയെ വിമര്ശിക്കുന്ന ബിബിസി ഡോക്യുമെന്ററിയുടെ കാര്യത്തില് എ കെ ആന്റണിയുടെ മകനും കെപിസിസി ഡിജിറ്റല് മീഡിയ സെല് കണ്വീനറുമായ അനില് ആന്റണി വ്യത്യസ്ത നിലപാട് സ്വീകരിച്ചത് ചര്ച്ചയായിരിക്കുകയാണ്. ഇന്ത്യന് സ്ഥാപനങ്ങളെക്കാള് ബിബിസിയുടെ വീക്ഷണത്തിന് മുന്തൂക്കം കല്പിക്കുന്നത് വളരെ അപകടകരമായ കീഴ്വഴക്കമാണെന്ന് അനില് ആന്റണി ട്വീറ്റ് ചെയ്തു. എന്നാല്, അനിലിനെ തള്ളി യൂത്ത് കോണ്ഗ്രസ് അധ്യക്ഷന് ഷാഫി പറമ്ബില് രംഗത്ത് എത്തി.
യൂത്ത് കോണ്ഗ്രസിന്റെ അഭിപ്രായം പറയേണ്ടത് സംസ്ഥാന പ്രസിഡന്റാണെന്നും അല്ലാതെ വേറെ ആരും പറയുന്നത് ഔദ്യോഗികമല്ലെന്നും ഷാഫി വ്യക്തമാക്കി. ആരുടെയെങ്കിലും വ്യക്തിപരമായ അഭിപ്രായം യൂത്ത് കോണ്ഗ്രസിന്റെ അഭിപ്രായമാകില്ലെന്നും ഷാഫി പറഞ്ഞു. ബി ബി സി ഡോക്യുമെന്ററിയുടെ പ്രദര്ശനം തടയാന് ശ്രമിക്കുന്നത് മോദിക്ക് സത്യത്തെ ഭയമായതിനാലാണെന്നും വംശഹത്യയുടെ പാപക്കറ ഡോക്യുമെന്ററി നിരോധിച്ചാല് മാറില്ലെന്നും ഷാഫി അഭിപ്രായപ്പെട്ടു.
സത്യം ആവര്ത്തിക്കപ്പെടുമെന്ന ഭയം മൂലയാണ് സംഘപരിവാര് പ്രദര്ശനം തടയാന് ശ്രമിക്കുന്നതെന്നും അദ്ദേഹം കൂട്ടിച്ചേര്ത്തു. നവമാധ്യമങ്ങളിലൂടെ പ്രദര്ശനം തടയുന്നത് സത്യം മൂടിവയ്ക്കാനാണെന്നും ഷാഫി പറഞ്ഞു. തൃശൂരില് ബി ബി സി ഡോക്യുമെന്ററിയായ ‘ഇന്ത്യ- ദി മോദി ക്വസ്റ്റിന്’ യൂത്ത് കോണ്ഗ്രസ് പ്രദര്ശിപ്പിച്ച ശേഷം മാധ്യമങ്ങളോട് സംസാരിക്കുകയായിരുന്നു ഷാഫി.