പൃഥ്വിരാജിനെ നായകനാക്കി അൽഫോൺസ് പുത്രൻ സംവിധാനം ചെയ്ത ‘ഗോൾഡ്’ ഓണത്തിന് റിലീസ് ചെയ്യില്ല. ചിത്രം ഓണത്തിന് ശേഷം റിലീസ് ചെയ്യുമെന്ന് അൽഫോൺസ് പുത്രൻ ഫേസ്ബുക്കിലൂടെ അറിയിച്ചു. ‘ഞങ്ങളുടെ ഭാഗത്ത് ജോലി വൈകിയതിനാല്‍ ‘ഗോള്‍ഡ്’ ഓണം കഴിഞ്ഞ് റിലീസ് ചെയ്യും, ഉണ്ടായ കാലതാമസത്തിന് ദയവായി ഞങ്ങളോട് ക്ഷമിക്കൂ. ഗോള്‍ഡ് റിലീസ് ചെയ്യുമ്ബോള്‍ ഈ കാല താമസം നികത്താന്‍ കഴിയുമെന്ന് പ്രതീക്ഷിക്കുന്നു’. അല്‍ഫോണ്‍സ് ഫേസ്ബുക്കില്‍ കുറിച്ചു.
ചിത്രം ഓണത്തിന് തിയേറ്ററുകളിലെത്തുമെന്നാണ് അറിയിച്ചിരുന്നത്. എന്നാൽ റിലീസ് തീയതി പുറത്തുവിട്ടിരുന്നില്ല. പൃഥ്വിരാജും ഈ പോസ്റ്റ് ഷെയർ ചെയ്തിരുന്നു. ഏഴ് വർഷങ്ങൾക്ക് ശേഷം അൽഫോൺസ് പുത്രൻ സംവിധാനം ചെയ്യുന്ന ചിത്രമാണ് ‘ഗോൾഡ്’. ട്രെയിലറോ വലിയ അപ്‌ഡേറ്റുകളോ ഒന്നും റിലീസ് ചെയ്യാതെ തന്നെ ചിത്രത്തിന് വലിയ ഹൈപ്പാണ് ഉള്ളത്.
പൃഥ്വിരാജും നയൻതാരയും ഒന്നിക്കുന്ന ചിത്രത്തിന്റെ ഒടിടി അവകാശം റെക്കോർഡ് തുകയ്ക്ക് വിറ്റുപോയതായി പുതിയ റിപ്പോർട്ടുണ്ട്. ചിത്രത്തിന്റെ ഒടിടി അവകാശം ആമസോൺ പ്രൈം സ്വന്തമാക്കിയെന്നാണ് സൂചന. ഇത് സംബന്ധിച്ച് ജീവനക്കാരുടെ ഭാഗത്ത് നിന്ന് ഔദ്യോഗിക അറിയിപ്പുകളൊന്നും വന്നിട്ടില്ല. ചിത്രം 30 കോടിയിലധികം പ്രീ-റിലീസ് ബിസിനസ് നേടിയതായും റിപ്പോർട്ടുകളുണ്ട്. ചിത്രത്തിന്റെ തമിഴ്, കന്നഡ, ഓവർസീസ് വിതരണാവകാശം റെക്കോർഡ് തുകയ്ക്കാണ് വിറ്റുപോയത്. ചിത്രത്തിന്റെ വിദേശ വിതരണാവകാശം ട്രൂത്ത് ഗ്ലോബൽ ഫിലിംസ് സ്വന്തമാക്കി. സൂര്യ ടിവിക്കാണ് ചിത്രത്തിന്റെ സാറ്റലൈറ്റ് അവകാശം.
ലാലു അലക്‌സ്, ചെമ്പൻ വിനോദ്, വിനയ് ഫോർട്ട്, ജഗദീഷ്, അജ്മൽ അമീർ, പ്രേം കുമാർ, മല്ലിക സുകുമാരൻ, ഷമ്മി തിലകൻ, ദീപ്തി സതി, ശാന്തി കൃഷ്ണ, ശബരീഷ് വർമ, കൃഷ്ണ ശങ്കർ, റോഷൻ മാത്യു, സുരേഷ് കൃഷ്ണ തുടങ്ങിയവരും ചിത്രത്തിലുണ്ട്. പൃഥ്വിരാജ് പ്രൊഡക്ഷൻസിന്റെയും മാജിക് ഫ്രെയിംസിന്റെയും ബാനറിൽ പൃഥ്വിരാജും ലിസ്റ്റിൻ സ്റ്റീഫനും ചേർന്നാണ് നിർമ്മാണം. ചിത്രം സെപ്തംബർ 8ന് തിയേറ്ററുകളിലെത്തും
