കൊച്ചി:പോക്സോ കേസില് അറസ്റ്റിലായ നടന് ശ്രീജിത്ത് രവിക്ക് ജാമ്യം അനുവദിച്ച് ഹൈക്കോടതി. മാനസിക ബുദ്ധിമുട്ടുകള് കാരണം ചികിത്സയിലിരിക്കെയാണ് എന്ന പ്രതിഭാഗത്തിന്റെ വാദം അംഗീകരിച്ചാണ് കോടതി ജാമ്യം അനുവദിച്ചിരിക്കുന്നത്. സമാന സംഭവങ്ങള് ആവര്ത്തിക്കാനുള്ള നടപടികള് സ്വീകരിക്കാമെന്ന് ബന്ധുക്കളുടെ ഉറപ്പിന്മേലാണ് കോടതി നടപടി. നടപടിക്രമങ്ങള് പൂര്ത്തിയാക്കിയ ശേഷം ഇന്നു തന്നെ ജയില് മോചിതനായേക്കും.
പെണ്കുട്ടികള്ക്കു മുന്നില് നഗ്നതാ പ്രദര്ശനം നടത്തിയെന്ന കേസില് റിമാന്ഡിലായതോടെയാണ് ശ്രീജിത് രവി ഹൈക്കോടതിയില് ജാമ്യാപേക്ഷയില് നല്കിയത്. ജാമ്യം നല്കരുതെന്ന് പ്രോസിക്യൂഷന് നേരത്തെ വാദിച്ചിരുന്നു. ജാമ്യം നല്കിയാല് കുറ്റവാളികള്ക്ക് പ്രോത്സാഹനം നല്കുന്ന നിലപാടാകുമെന്നും സമൂഹത്തില് തെറ്റായ സന്ദേശമാണ് നല്കുകയെന്നും പ്രോസിക്യൂഷന് കോടതിയെ അറിയിച്ചു.
എന്നാല് 2016 മുതല് സ്വഭാവ വൈകൃതത്തിന് ചികിത്സ തേടുന്നയാളാണെന്നും ജയിലില് ചികിത്സ തുടരുന്നത് മാനസികാരോഗ്യത്തെ ബാധിക്കുമെന്ന് നടന്റെ അഭിഭാഷകന് കോടതിയെ അറിയിച്ചു. തന്റേത് ഒരു രോഗമാണെന്നും മരുന്ന് കഴിക്കാത്തത് കൊണ്ടുണ്ടായ പ്രശ്നമാണെന്നുമാണ് ശ്രീജിത്ത് രവി പൊലീസിനോട് അറസ്റ്റിലായ സമയത്ത് പറഞ്ഞിരുന്നു.