കോളിവുഡ് ജോഡികളായ വിഘ്‌നേഷ് ശിവനും നയന്‍താരയും വിവാഹിതരാകുമെന്ന വാര്‍ത്തകളാണ് ഇപ്പോള്‍ പുറത്തുവന്നിരുന്നു. ഇരുവരും ചേർന്ന്തമിഴ്‌നാട് മുഖ്യമന്ത്രി സ്റ്റാലിനെ വിവാഹത്തിന് ക്ഷണിക്കുന്നതിന്റെ ചിത്രങ്ങള്‍ ഇന്റര്‍നെറ്റില്‍ നിറയുകയാണ് ഇപ്പോൾ. ആല്‍വാര്‍പേട്ടിലെ സ്റ്റാലിന്റെ വസതിയില്‍ വിക്കിയും നയനും സന്ദര്‍ശനം നടത്തി. വിഘ്‌നേഷ് ഒരു പൂച്ചെണ്ട് നല്‍കിയപ്പോള്‍ നയന്‍താര ഒരു പെട്ടിയോ ക്ഷണക്കത്തുകളുടെ ഒരു കൂട്ടമോ പോലെയുള്ള എന്തോ ഒന്ന് പിടിച്ചു നില്‍ക്കുന്നത് കാണാം. നടനും രാഷ്ട്രീയ നേതാവുമായ ഉദയനിധി സ്റ്റാലിനും ഇവര്‍ക്കൊപ്പമുണ്ടായിരുന്ന.
ജൂണ്‍ 9 ന് തിരുപ്പതി ക്ഷേത്രത്തില്‍ വച്ച് വിവാഹിതരാകുമെന്നാണ് ആദ്യം പറഞ്ഞിരുന്നത്. എന്നാല്‍ അടുത്തിടെ ലഭിച്ച അപ്‌ഡേറ്റ് അനുസരിച്ച്‌, ജൂണ്‍ 9 ന് ചെന്നൈയില്‍ വച്ച് ഇരുവരും വിവാഹിതരാകുമെന്നും വിവാഹത്തിന് ശേഷം അവര്‍ തിരുപ്പതി സന്ദര്‍ശിക്കുമെന്നുമാണ്.
2015-ല്‍ വിജയ് സേതുപതി നായകനായ നാനും റൗഡി താന്റെ സെറ്റില്‍ വെച്ച് വിക്കിയും നയനും പരസ്പരം കണ്ടുമുട്ടുകയും പ്രണയത്തിലാവുകയും ചെയ്തു. ഇപ്പോഴിതാ, ഏഴു വര്‍ഷത്തെ പ്രണയകഥ ഒരു വിവാഹത്തോടെ ആഘോഷിക്കാന്‍ ഒരുങ്ങുകയാണ്.
