മുന് മുഖ്യമന്ത്രി ഉമ്മന് ചാണ്ടിയുടെ വിവാഹം അറിയിച്ച് 45 വര്ഷം മുമ്ബ് പത്രത്തില് നല്കിയ പരസ്യം സമൂഹ മാധ്യമങ്ങളില് വൈറലാകുന്നു. വിവാഹ വാര്ഷിക ദിനമായ മേയ് 30നാണ് നെറ്റിസണ്സ് ഇത് കുത്തിപ്പൊക്കിയത്.
”സുഹൃത്തുക്കളെ, മേയ് 30ന് ഞാന് വിവാഹിതനാവുകയാണ്. കരുവാറ്റ കുഴിത്താറ്റില് വീട്ടില് മറിയാമ്മയാണ് വധു. രാവിലെ 11 മണിക്ക് പാമ്ബാടി മാര് കുറിയാക്കോസ് ദയറയില് വെച്ചാണ് വിവാഹം. നേരിട്ടോ കത്ത് മുഖേനയോ ആരെയും ക്ഷണിക്കുന്നില്ല. ദയവായി ഇതൊരറിയിപ്പായി കരുതുമല്ലോ, സ്നേഹപൂര്വം ഉമ്മന് ചാണ്ടി” ഇതായിരുന്നു പരസ്യത്തിലെ ഉള്ളടക്കം.
1977 മേയ് 30നായിരുന്നു വിവാഹം. തലേദിവസമാണ് പത്രത്തില് പരസ്യം നല്കിയത്. ഇതിനെ കുറിച്ച് ഉമ്മന് ചാണ്ടി നേരത്തെ പ്രതികരിച്ചിരുന്നു. ”എല്ലാവരെയും നേരിട്ട് വിളിക്കാന് സാധ്യമല്ലാത്തതിനാല് ഞാന് പത്രത്തില് ഒരു അറിയിപ്പ് നല്കി. വിരുന്നിനായി ഭക്ഷണവും മറ്റും ക്രമീകരിച്ചിരുന്നില്ല. പാമ്ബാടി ദയറയില് നിന്നുതന്നെ നാരങ്ങവെള്ളം തയാറാക്കി വന്നവര്ക്ക് നല്കി” എന്നിങ്ങനെയായിരുന്നു പ്രതികരണം.