തിരുവനന്തപുരം: തിരുവനന്തപുരം തമ്ബാനൂരിലെ ഹോട്ടല് മുറിയില് ദുരൂഹസാഹചര്യത്തില് യുവതിയെ മരിച്ച നിലയില് കണ്ടെത്തിയ സംഭവത്തില് ഒപ്പമുണ്ടായിരുന്ന യുവാവിനെ പൊലീസ് കസ്റ്റഡിയിലെടുത്തു. കാട്ടാക്കട സ്വദേശി ഗായത്രി ദേവിയാണ് മരിച്ചത്. കൂടെ മുറിയെടുത്ത പ്രവീണ് ഉച്ചയോടെ കൊല്ലം പരവൂര് പൊലീസ് സ്റ്റേഷനില് കീഴടങ്ങുകയായിരുന്നു.
ഇയാളെ പരവൂരില് നിന്ന് തിരുവനനന്തപുരത്തേക്ക് കൊണ്ടുപോയി. ഗായത്രിയെ ശ്വാസം മുട്ടിച്ചാണ് കൊലപ്പെടുത്തിയതെന്ന് പ്രതി പ്രവീണ് പൊലീസിനോട് സമ്മതിച്ചു. വാക്കു തര്ക്കത്തിനിടെയാണ് കൊലപാതകം (Murder). യുവതിയുടെ മൃദദേഹം ഇന്ക്വസ്റ്റ് നടപടികള് പൂര്ത്തിയായ ശേഷം പോസ്റ്റുമോര്ട്ടത്തിനായി മാറ്റി.
പുലര്ച്ചെ ഒരു മണിയോടെയാണ് തമ്ബാനൂര് അരിസ്റ്റോ ജങ്ഷനില് ഉള്ള ഹോട്ടലിലെ മുറിയില് ഗായത്രിയെ മരിച്ച നിലയില് കണ്ടെത്തിയത്. 107 ആം നമ്ബര് മുറില് ഒരു സ്ത്രീ മരിച്ചതായി ഹോട്ടല് റിസപ്ഷനിലേക്ക് പന്ത്രണ്ടരയോടെ അജ്ഞാത കോള് എത്തുകയായിരുന്നു. ജീവനക്കാര് അറിയിച്ചത് അനുസരിച്ച് പൊലീസ് എത്തി മുറി തുറന്നു. കട്ടിലിലായിരുന്നു 24കാരിയായ ഗായത്രിയുടെ മൃതദേഹം.
മല്പിടുത്തിന്റെ ലക്ഷണങ്ങള് ഒന്നും മുറിയില് ഉണ്ടായിരുന്നില്ല. വായില് നിന്നും നുരയും പതയും വന്ന നിലയിലായിരുന്നു മൃതദേഹം. വിഷം ഉള്ളില് ചെന്നാണോ മരണമെന്നാണ് സംശയം. മുറി പുറത്ത് നിന്ന് പൂട്ടിയ നിലയിലായിരുന്നു. വീരണക്കാവ് സ്വദേശിയായ ഗായത്രിയെ കാണാനില്ലെന്ന് ഇന്നലെ കാട്ടാക്കട പൊലീസിന് പരാതി ലഭിച്ചിരുന്നു
ഇന്നലെ രാവിലെ പത്ത് മണിയോടെ പ്രവീണാണ് മുറിയെടുത്ത്. 12 മണിയോടെ ഗായത്രിയും എത്തിയെന്നാണ് പൊലീസ് പറയുന്നത്. വൈകീട്ട് അഞ്ചരയോടെ പ്രവീണ് പുറത്തേക്ക് പോയെങ്കിലും തിരിച്ചു വന്നില്ല. കൊല്ലം പരവൂര് സ്റ്റേഷനില് കീഴടങ്ങിയ പ്രവീണിനെ പൊലീസ് കസ്റ്റഡിലെടുത്ത് ചോദ്യം ചെയ്യുകയാണ്. കൊലപതാകമെന്നാണ് പ്രാഥമിക നിഗമനം.
നഗരത്തിലെ ഒരു ജ്വല്ലറിയിലെ ജീവനക്കാരാരയിരുന്നു ഇരുവരും. എട്ട് മാസം മുമ്ബ് ഗായത്രി ജോലി നിര്ത്തി. കഴിഞ്ഞ ദിവസം പ്രവീണിനെ തമിഴ് നാട്ടിലെ ഷോറൂമിലേക്ക് സ്ഥലം മാറ്റിയിരുന്നു. വിവാഹിതനായ പ്രവീണിന് രണ്ട് കുട്ടികളുണ്ട്. ഗായത്രിയുമായുള്ള ബന്ധം അറിഞ്ഞതിനെ തുടര്ന്ന് പ്രവീണിന്റെ വീട്ടില് പ്രശ്നങ്ങള് ഉണ്ടായിരുന്നതായാണ് വിവരം. പ്രവീണിന്റെ ഭാര്യയുടെ പരാതിയെ തുടര്ന്നാണ് ഗായത്രിയെ ജ്വല്ലറിയില് നിന്നും മാറ്റിയതെന്നാണ് വിവരം.
പ്രവീണും ഗായത്രിയും പള്ളിയില് വച്ച് താലി കെട്ടുന്ന ഫോട്ടോകള് പൊലീസിന് ലഭിച്ചിട്ടുണ്ട്. പ്രവീണ് തന്നെയാണ് ഇന്നലെ ഗായത്രിയുടെ മരണവിവരം വിളിച്ച് അറിയിച്ചത് എന്നാണ് പൊലീസ് സംശയിക്കുന്നത്. സംഭവ സ്ഥലത്ത് സിറ്റി പൊലീസ് കമ്മീഷണര് അടക്കമുള്ള ഉന്നത പൊലീസ് സംഘം പരിശോധന നടത്തി. ഫോറന്സിക് സംഘവും പരിശോധന നടത്തി. ദിവസങ്ങള്ക്ക് മുമ്ബ് നഗരത്തിലെ ലോഡ്ജിലെ റിസപ്ക്ഷനിസ്റ്റിനെ പട്ടാപ്പകല് കൊലപ്പെടുത്തിയതിന്്റെ ഞെട്ടല് മാറും മുമ്ബാണ് മറ്റൊരു ലോഡ്ജിലെ ദുരൂഹമരണം.