ന്യൂഡല്ഹി: ഡല്ഹിയിലെ ഓൾ ഇന്ത്യ ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് തീപിടിത്തം. തിങ്കളാഴ്ച രാവിലെയോടെയാണ് തീപിടിത്തമുണ്ടായത്.
പ്രധാന അത്യാഹിത വിഭാഗത്തോട് ചേര്ന്നായിരുന്നു അപകടം. സംഭവത്തില് ആര്ക്കും പരിക്കേറ്റിട്ടില്ല. തീപടര്ന്നയുടന് അഗ്നിരക്ഷസേനയും മറ്റും സ്ഥലത്തെത്തി തീയണച്ചു.
തിങ്കളാഴ്ച രാവിലെ അഞ്ചുമണിയോടെയായിരുന്നു അപകടം. ഒരു മണിക്കൂറിനകം തന്നെ തീയണച്ചതായി ഡല്ഹി ഫയര് വിഭാഗം അറിയിച്ചു. തീപിടിത്തത്തിെന്റ കാരണം ഇതുവരെ വ്യക്തമായിട്ടില്ല. മറ്റു നാശനഷ്ടങ്ങളും ഇതുവരെ റിപ്പോര്ട്ട് ചെയ്തിട്ടില്ല.
‘എയിംസില് തിങ്കളാഴ്ച രാവിലെ അഞ്ചുമണിയോടെ സ്റ്റോര് റൂമില് ചെറിയ തീപിടിത്തമുണ്ടായി.
തീയണച്ച് നിയന്ത്രണ വിധേയമാക്കി. സംഭവത്തില് ആര്ക്കും പരിക്കേറ്റിട്ടില്ല’ -ഡല്ഹി ഫയര് വിഭാഗം പറഞ്ഞു.
ജൂണ് 17ന് എയിംസിെന്റ ഒമ്ബതാം നിലയില് തീപിടിത്തമുണ്ടായിരുന്നു. 26 ഫയര് എന്ജിനുകള് ഏകദേശം രണ്ടു മണിക്കൂര് പരിശ്രമിച്ചാണ് തീ നിയന്ത്രണവിധേയമാക്കിയത്. മറ്റു അപകടങ്ങളൊന്നും സ്ഥിരീകരിച്ചിരുന്നില്ല.