തിരുവനന്തപുരം: സുഹൃത്തിന്റെ മകന്റെ ഭാര്യയെ ലൈംഗികമായി പീഡിപ്പിച്ച യുവാവ് പിടിയില്. തിരുവല്ലം ഇടവിളാകം സ്വദേശി വിനോദ് ആണ് പിടിയിലായത്. യുവതിയുടെ പരാതിയെ തുടര്ന്നാണ് നടപടി.
ഇയാളുടെ ഉറ്റ സുഹൃത്തിന്റെ മകന് അടുത്തിടെ പ്രണയിച്ച് വിവാഹം കഴിച്ചിരുന്നു. ഇതിനെ ചൊല്ലി വീട്ടില് വഴക്ക് പതിവായിരുന്നു. വിഷയം പരിഹരിക്കാനായി വിനോദ് ഇവരുടെ വീട്ടിലെത്തി, മധ്യസ്ഥ ചര്ച്ച നടത്തി. കുറച്ച് ദിവസത്തേക്ക് നവമിഥുനങ്ങളെ തന്റെ വീട്ടില് നിര്ത്താമെന്നും പ്രശ്നങ്ങള് പരിഹരിക്കണമെന്നും പറഞ്ഞ് വിനോദ് സുഹൃത്തിന്റെ മകനെയും ഭാര്യയെയും വെങ്ങാനൂര് നീലകേശി റോഡിലുള്ള സ്വന്തം വീട്ടിലേക്ക് വിളിച്ചുകൊണ്ടുവരികയായിരുന്നു.
സുഹൃത്തിന്റെ മകന് പുറത്തുപോയ സമയത്താണ് വിനോദ് പെണ്കുട്ടിയെ ലൈംഗികമായി പീഡിപ്പിച്ചത്. ഭാര്യയും രണ്ട് കുട്ടികളുമുള്ളയാളാണ് പീഡനക്കേസിലെ പ്രതിയായ വിനോദ്. പുറത്തേക്ക് പോയ യുവാവ്മ തിരിച്ചെത്തിയപ്പോഴാണ് പെണ്കുട്ടി പീഡനവിവരം പറഞ്ഞത്. തുടര്ന്ന് ഇരുവരും ചേര്ന്ന് പൊലീസ് സ്റ്റേഷനിലെത്തി പരാതി നല്കുകയായിരുന്നു. ഇയാളെ ഇന്ന് കോടതിയില് ഹാജരാക്കുമെന്ന് പൊലീസ് അറിയിച്ചു.