പാലക്കാട്: ആലത്തൂരില് ഇരട്ട സഹോദരിമാരെയും സഹപാഠികളായ രണ്ട് ആണ്കുട്ടികളെയും കാണാതായ സംഭവത്തില് തമിഴ്നാട് കേന്ദ്രീകരിച്ച് അന്വേഷണം ഊര്ജിതമാക്കി പൊലീസ്. കുട്ടികള് ഗോവിന്താപുരം ചെക്ക് പോസ്റ്റ് കടന്നതായുള്ള വിവരത്തിന്റെ അടിസ്ഥാനത്തിലാണ് തമിഴ്നാട്ടില് അന്വേഷിക്കുന്നത്. ഒമ്ബതാം ക്ലാസ് വിദ്യാര്ത്ഥികളെയാണ് കഴിഞ്ഞ ബുധനാഴ്ച മുതല് കാണാതായത്. ഇവര് പാലക്കാട് ബസ് സ്റ്റാന്ഡിലും പാര്ക്കിലും നടക്കുന്നതിന്റെ ദൃശ്യങ്ങള് പൊലീസിന് ലഭിച്ചിട്ടുണ്ട്. ഒരാളുടെ കൈവശം മൊബൈല് ഫോണ് ഉണ്ടായിരുന്നുവെങ്കിലും പാലക്കാട് മുതല് സ്വിച്ച് ഓഫ് ചെയ്ത് നിലയിലാണ്.
കുട്ടികള് എന്തിനാണ് വീട് വിട്ടിറങ്ങിയതെന്നോ എവിടേക്കാണ് പോകുന്നതെന്നോ സംബന്ധിച്ച് വിവരമൊന്നുമില്ല. ചെക്ക് പോസ്റ്റ് കേന്ദ്രീകരിച്ചും മൊബൈല് ഫോണ് കേന്ദ്രീകരിച്ചുമാണ് നിലവില് അന്വേഷണം നടക്കുന്നത്. സംസ്ഥാനത്ത് ഒരിടവേളത്ത് ശേഷം സ്കൂള് തുറന്നതിന് പിന്നാലെ വീട് വിട്ടിറങ്ങുന്ന കുട്ടികളുടെ എണ്ണം കൂടുകയാണ്. ഇടുക്കിയില് സ്കൂളിലെത്താതെ ആനയെ കാണാന് പോയതിന് അധ്യാപകന് വഴക്ക് പറഞ്ഞതോടെ നാടുവിട്ട രണ്ട് കുട്ടികളെ രണ്ട് ദിവസത്തെ തിരച്ചിലിന് ഒടുവിലാണ് കണ്ടെത്താന് കഴിഞ്ഞത്.
പുസ്തകം വാങ്ങാനെന്നായിരുന്നു അമ്മയോട് പറഞ്ഞത്. പുസ്തക കടയില് കാത്തുനിന്നിട്ടും മകളെ കാണാത്തതിനെ തുടര്ന്ന് വീട്ടുകാര് ആലത്തൂര് പൊലീസില് പരാതി നല്കുകയായിരുന്നു. ഓഗസ്റ്റ് മുപ്പതിന് പകല് പതിനൊന്നേകാലോടെ ആലത്തൂര് ബ്ലോക്ക് പഞ്ചായത്ത് ഓഫീസിന് മുന്നിലെ സിസിടിവിയിലാണ് സൂര്യയുടെ ദൃശ്യങ്ങള് അവസാനമായി പതിഞ്ഞത്. മൊബൈല് ഫോണും എടിഎം കാര്ഡും എടുക്കാതെ വീടു വിട്ടിറങ്ങിയ സൂര്യ യാതൊരു സൂചനകളും അവശേഷിപ്പിക്കാതെ പോയതാണ് അന്വേഷണ സംഘത്തെ കുഴയ്ക്കുന്നത്.