പത്തനംതിട്ട : കൊവിഡ് നിമിത്തം കുടുംബത്തിലെ മുഖ്യ വരുമാനദായകനായിരുന്ന വ്യക്തി മരിച്ചതിനെ തുടര്ന്ന് സാമ്ബത്തിക ബുദ്ധിമുട്ട് അനുഭവിക്കുന്ന കുടുംബങ്ങളെ സഹായിക്കാന് കേന്ദ്ര സാമൂഹിക നീതി വകുപ്പ് ആവിഷ്കരിച്ച വായ്പാ പദ്ധതി പ്രകാരം കേരളത്തിലെ ഒ.ബി.സി വിഭാഗത്തില്പ്പെട്ട അര്ഹരായ ഗുണഭോക്താക്കളില് നിന്ന് സംസ്ഥാന പിന്നാക്ക വിഭാഗ വികസന കോര്പ്പറേഷന് അപേക്ഷ ക്ഷണിച്ചു. മൂന്ന് ലക്ഷം രൂപയില് താഴെ കുടുംബ വാര്ഷിക വരുമാനമുള്ള ഒ.ബി.സി വിഭാഗത്തില്പ്പെട്ട കുടുംബങ്ങളിലെ മുഖ്യ വരുമാനദായകനായിരുന്ന 60 വയസില് താഴെ പ്രായമുള്ള വ്യക്തി കൊവിഡ് നിമിത്തം മരിച്ചാല് വ്യവസ്ഥകള്ക്ക് വിധേയമായി വായ്പ ലഭിക്കും. അഞ്ചു ലക്ഷം രൂപ വരെ സ്വയം തൊഴില് സംരംഭങ്ങള് ആരംഭിക്കുന്നതിന് ആവശ്യമായ തുകയും അനുവദിക്കും.
ഇതില് 80ശതമാനം തുക (പരമാവധി 4 ലക്ഷം രൂപ) വായ്പയും ബാക്കി 20ശതമാനം (പരമാവധി 1 ലക്ഷം രൂപ) സബ്സിഡിയുമാണ്. വായ്പാ തിരിച്ചടവ് കാലാവധി 5 വര്ഷമാണ്. വാര്ഷിക പലിശ നിരക്ക് 6 ശതമാനം. പദ്ധതി പ്രകാരം സംരംഭങ്ങള് ആരംഭിക്കുന്നതിന് യോഗ്യതയും താല്പര്യവുമുള്ളവര് അവരുടെ വിശദാംശങ്ങള് ജൂണ് 28 നകം http://www.ksbcdc.com എന്ന കോര്പ്പറേഷന് വെബ്സൈറ്റില് രജിസ്റ്റര് ചെയ്യണം. പദ്ധതി സംബന്ധിച്ച വിശദാംശങ്ങള് വെബ്സൈറ്റില് ലഭ്യമാണെന്ന് മാനേജിംഗ് ഡയറക്ടര് അറിയിച്ചു. ഫോണ്: 0471 2577550.