തൊടുപുഴ: മുല്ലപ്പെരിയാര് അണക്കെട്ട് തുറക്കുന്ന സാഹചര്യത്തില് ഇടുക്കിയില് റെഡ് അലര്ട്ട് പ്രഖ്യാപിച്ചു.മുല്ലപ്പെരിയാറില്നിന്നും ഒഴുക്കിവിടുന്ന വെള്ളം കൂടി ഇടുക്കി ഡാമിലാണ് എത്തിച്ചേരുന്നത്. അതിനാല് ജലനിരപ്പ് ഉയര്ന്നാല് ഇടുക്കി ജലവൈദ്യുത പദ്ധതിയുടെ ഭാഗമായ ചെറുതോണി ഡാം തുറന്നേക്കും.ഡാമില് റെഡ് അലര്ട്ട് പ്രഖ്യാപിച്ചു. ജലനിരപ്പ് റൂള് കര്വ് പരിധിയായ 2398.32 അടി പിന്നിട്ടതായാണ് വിവരം. ചെറുതോണിയുടെ ഷട്ടറുകള് വൈകുന്നേരം നാലിനു ശേഷമോ, ശനിയാഴ്ച രാവിലെയോ തുറന്ന് ജലം പുറത്തേക്കൊഴുക്കുന്നതിന് കളക്ടര് അനുമതി നല്കിയതായി മന്ത്രി കെ.കൃഷ്ണന്കുട്ടി അറിയിച്ചു.ഇടുക്കിയിലും ഡാമിന്റെ വൃഷ്ടിപ്രദേശത്തും ഇന്ന് രാവിലെ മഴ ഇല്ലാത്തതിനാല് ആശങ്കപ്പെടേണ്ട സാഹചര്യമില്ലെന്നാണ് അധികൃതര് അറിയിക്കുന്നത്.
തുറക്കാന് തീരുമാനിച്ചാല് ചെറുതോണി അണക്കെട്ടിന്റെ ഒരുഷട്ടര് മാത്രമാകും തുറക്കുക.അതേ സമയം മുല്ലപ്പെരിയാറില് ജലനിരപ്പ് 138 അടിയില് നിലനിര്ത്താന് തീരുമാനിച്ചിരിക്കുന്നതിനാല് ഇവിടെനിന്നുള്ള വെള്ളം എത്തിയാലും ഇടുക്കി അ ണക്കെട്ടിലെ ജലനിരപ്പില്കാര്യമായ വര്ധനയുണ്ടാകാനുള്ള സാധ്യത കുറവാണ്. ഇന്ന് രാവിലെ 7.29 ന് ആണ് മുല്ലപ്പെരിയാര് അണക്കെട്ടിന്റെ സ്പില്വേ ഷ ട്ടറുകള് ഉയര്ത്തിയത്. മൂന്ന്, നാല് സ്പില്വേ ഷട്ടറുകള് 0.35 മീറ്റര് വീതമാണ് ഉയര്ത്തിയത്. ഇതോടെ പെരിയാറിന്റെ തീരത്ത് അതീവജാഗ്രത പുറപ്പെടുവിച്ചു.