തൊടുപുഴ: ജലനിരപ്പ് പൂര്ണ സംഭരണശേഷിയിലേക്ക് എത്തിയതിനെത്തുടര്ന്ന് ഇടുക്കി അണക്കെട്ട് ആറാം തവണയും തുറന്നു.
കനത്ത മഴയെത്തുടര്ന്ന് അണക്കെട്ടില് ജലനിരപ്പ് ഉയര്ന്ന സാഹചര്യത്തിലാണ് ഞായറാഴ്ച ഉച്ചക്ക് അണക്കെട്ടിെന്റ മൂന്നാമത്തെ ഷട്ടര് 40 സെ.മീ. ഉയര്ത്താന് തീരുമാനിച്ചത്.1981 ഒക്ടോബര് 29, 1992 ഒക്ടോബര് 12, 2018 ആഗസ്റ്റ് ഒമ്ബത്, 2018 ഒക്ടോബര് ആറ് , 2021 ഒക്ടോബര് 19 തീയതികളിലാണ് ഇതിന് മുമ്ബ് ഇടുക്കി അണക്കെട്ട് തുറന്നത്.1981 ഒക്ടോബര് 29നാണ് ആദ്യമായി ഡാം തുറന്നത്. ചെറുതോണിയിലെ അഞ്ച് ഷട്ടറും 15 ദിവസം തുറന്നുവെച്ചു.1992 ഒക്ടോബര് 12 ന് അഞ്ച് ദിവസം തുറന്നു. 26 വര്ഷത്തിന് ശേഷം പ്രളയകാലത്ത് 2018 ആഗസ്റ്റ് ഒമ്ബതിനാണ് മൂന്നാമത് തുറന്നത്. സെപ്റ്റംബര് ഏഴ് വരെ 29 ദിവസം ഷട്ടറുകള് 70 സെ.മീ. തുറന്നുവെച്ചു. 15 മിനിറ്റ്കൊണ്ട് 50 സെ.മീ. ഉയര്ത്തി സെക്കന്ഡില് 50 ഘനമീറ്റര് വെള്ളം പുറത്തേക്കൊഴുക്കി. ചെറുതോണിയാറിേലക്ക് വെള്ളം ഇരച്ചെത്തിയതോടെ ആദ്യം പാലവും തുടര്ന്ന് ചെറുതോണി ടൗണും വെള്ളത്തിലായി.
2018 ഒക്ടോബര് ആറിന് തുറന്നെങ്കിലും വെള്ളം ശാന്തമായൊഴുകി കടന്നുപോയി.2021 ഒക്ടോബര് 19 ന് തുറന്ന മൂന്ന് ഷട്ടറില് രണ്ടെണ്ണം 22നും മൂന്നാമത്തേത് 27 നും അടച്ചു. മൂന്ന് ഷട്ടര് തുറന്നെങ്കിലും കൃത്യമായ മുന്നൊരുക്കവും ജാഗ്രതയും ഉണ്ടായിരുന്നതിനാല് പെരിയാറിെന്റ കരകളില് ഒരു ആശങ്കയും ഒഴുകിവന്ന വെളളം ഉണ്ടാക്കിയില്ല. കുറച്ച് ജലം മാത്രം തുറന്നുവിടുന്ന സാഹചര്യത്തില് ആശങ്കയുടെ സാഹചര്യമില്ലെന്ന് ജല വിഭവമന്ത്രി റോഷി അഗസ്റ്റ്യന് പറഞ്ഞു.