കോൺഗ്രസിൽ സംഘടനാ തെരഞ്ഞെടുപ്പ് പ്രഖ്യാപിച്ചു: മണ്ഡലം പ്രസിഡണ്ട് മുതൽ എഐസിസി പ്രസിഡണ്ട് വരെ ഇനി തിരഞ്ഞെടുപ്പിലൂടെ നിയമിക്കപ്പെടും; വിശദാംശങ്ങളും തിരഞ്ഞെടുപ്പ് ഷെഡ്യൂളും ഇവിടെ വായിക്കാം.

• 2021 നവംബര്‍ 1 മുതല്‍ 2022 മാര്‍ച്ച്‌ 31 വരെ അംഗത്വ വിതരണം

• 2022 ഏപ്രില്‍ 1 മുതല്‍ 15 വരെ അംഗങ്ങളുടെ പട്ടിക പ്രസിദ്ധീകരിക്കും

• ഏപ്രില്‍ 16 മുതല്‍ മെയ് 31 വരെ മണ്ഡലം, ബ്ലോക്ക് കമ്മിറ്റി തെരെഞ്ഞെടുപ്പ്

• ജൂണ്‍ 1 മുതല്‍ ജൂലൈ 21വരെ ഡിസിസി തെരെഞ്ഞെടുപ്പ്

• 21 ജൂലൈ മുതല്‍ 20 ഓഗസ്റ്റ് വരെ പിസിസി തെരെഞ്ഞെടുപ്പ്

• 21 ഓഗസ്റ്റ് മുതല്‍ 20 സെപ്റ്റംബര്‍ 20 വരെ ദേശീയ അധ്യക്ഷ തെരെഞ്ഞെടുപ്പ്.

• 2022 സെപ്റ്റംബര്‍- ഒക്ടോബറില്‍ പ്ലീനറി സമ്മേളനം

ഒരു വര്‍ഷത്തിന് ശേഷം നടക്കുന്ന കോണ്‍​ഗ്രസ് പ്ലീനറി സമ്മേളനത്തിലാവും പുതിയ എഐസിസി ഭാരവാഹികളെ തെരഞ്ഞെടുക്കുക. സമീപകാലത്ത് പുതിയ പിസിസി അധ്യക്ഷന്‍മാരേയും സമിതികളേയും പ്രഖ്യാപിച്ച കേരളത്തിലടക്കം സംഘടനാ തെരഞ്ഞെടുപ്പ് നടക്കും എന്നാണ് സൂചന. അങ്ങനെയെങ്കില്‍ കേരളത്തില്‍ പുതിയ മണ്ഡലം കമ്മിറ്റികളും പുതിയ ഡിസിസി അധ്യക്ഷന്‍മാരും പുതിയ കെപിസിസി അധ്യക്ഷനും നിര്‍വാഹക സമിതിയും തെരഞ്ഞെടുപ്പിലൂടെ വരും. നിലവിലെ ഭാരവാഹികള്‍ തെരഞ്ഞെടുപ്പില്‍ മത്സരിച്ച്‌ പദവി നിലനി‍ര്‍ത്തേണ്ടി വരും.

രാജ്യത്ത് നിര്‍ജീവവാസ്ഥയിലുള്ള കോണ്‍​ഗ്രസ് പാര്‍ട്ടിക്ക് പുതിയ ഊര്‍ജ്ജം നല്‍കാന്‍ സംഘടനാ തെരഞ്ഞെടുപ്പിലൂടെ സാധിക്കുമെന്ന് വിമതവിഭാ​ഗം നേതാക്കള്‍ നേരത്തെ പറഞ്ഞിരുന്നു. നിലവില്‍ പ്രഖ്യാപിച്ച രീതിയില്‍ സംഘടനാ തെരഞ്ഞെ‌ടുപ്പ് നടന്നാല്‍ അടുത്ത വ‍ര്‍ഷം ഇതേ സമയം കോണ്‍ഗ്രസിന് പുതിയ ദേശീയ അധ്യക്ഷന്‍ വരും. തെരഞ്ഞെടുപ്പിലൂടെ ഈ പദവിയിലെത്താന്‍ രാഹുലിന് സാധിക്കുമോ അതോ രണ്ടാം നിരയില്‍ നിന്നൊരു പുതിയ താരോദയം കോണ്‍​ഗ്രസ് നേതൃത്വത്തിലുണ്ടാകുമോ എന്നാണ് ഏറ്റവും ഉറ്റുനോക്കപ്പെടുന്ന കാര്യം.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക