വര്ക്കല: കാപ്പില് കടലില് കുളിക്കവെ തിരയിലകപ്പെട്ട് കാണാതായ വിദ്യാര്ഥികളില് ഒരാളുടെ മൃതദേഹം തീരത്തടിഞ്ഞു.ആറ്റിങ്ങല് ഗവ. ഐ.ടി.ഐയിലെ ഇലക്ട്രോണിക്സ് വിഭാഗം വിദ്യാര്ഥി കല്ലമ്ബലം മാവിന്മൂട് പോങ്ങില് പ്ലാവിള വീട്ടില് കൃഷ്ണകുമാറിെന്റയും ബീനയുടെയും മകന് വിഷ്ണുവിെന്റ(19) മൃതദേഹമാണ് തീരത്തടിഞ്ഞത്.തിങ്കളാഴ്ച രാവിലെ പത്തരയോടെ അപകട സ്ഥലത്തുനിന്ന് ഇരുന്നൂറു മീറ്റര് തെക്ക് മാറി വെറ്റക്കട മത്സ്യബന്ധനകേന്ദ്രത്തിലാണ് മൃതദേഹം അടിച്ചുകയറിയത്. തീരത്തുകണ്ട മൃതദേഹം മത്സ്യത്തൊഴിലാളികളാണ് കരയിലേക്കെടുത്തത്. പൊലീസ് നടപടികള്ക്കുശേഷം പാരിപ്പള്ളി മെഡിക്കല് കോളജ് ആശുപത്രിയല് പോസ്റ്റ്മോര്ട്ടം നടത്തി. ജിഷ്ണുവാണ് (ഗള്ഫ്) സഹോദരന്.വിഷ്ണുവിനൊപ്പം കടലില് കാണാതായ കല്ലമ്ബലം മാവിന്മൂട് പ്രസിഡന്റുമുക്ക് കീഴൂട്ട് വീട്ടില് ഗിരീഷിെന്റയും വീജിയുടെയും മകന് ആരോമലിനായി (അച്ചു-17) തിരച്ചില് തുടരുന്നു.തിങ്കളാഴ്ച രാത്രിയാവോളം പൊലീസും ഫയര്ഫോഴ്സും നാട്ടുകാരും തിരച്ചില് നടത്തിയെങ്കിലും ഫലമുണ്ടായില്ല. ഞെക്കാട് ഗവ.വൊക്കേഷനല് എച്ച്.എസ്.എസിലെ പത്താംക്ലാസ് വിദ്യാര്ഥിയാണ് ആരോമല്.അടുത്ത സുഹൃത്തുക്കളായ രണ്ടുപേരും വിഷ്ണുവിെന്റ ബൈക്കിലാണ് ഞായറാഴ്ച വൈകുന്നേരത്തോടെ കാപ്പില് തീരത്തെത്തിയത്. തീരത്ത് ചുറ്റിക്കറങ്ങിയശേഷം ഇരുവരും കടലില് കുളിക്കാനിറങ്ങിയപ്പോഴാണ് അപകടം ഉണ്ടായത്. ആഴ്ചകള്ക്ക് മുമ്ബും കാപ്പില് തീരത്ത് സമാനമായ അപകടം നടന്നിരുന്നു. രണ്ട് എന്ജിനീയറിങ് അവസാന വര്ഷ വിദ്യാര്ഥികളെയാണ് അന്ന് കടലില് കിണാതായത്. ഒരാളുടെ മൃതദേഹം അടുത്തദിവസം ചിലക്കൂര് വള്ളക്കടവില് അടിച്ചുകയറിയെങ്കിലും മറ്റെയാളെ ഇതുവരെ കണ്ടുകിട്ടിയിട്ടില്ല.