ചവറ: ചികിത്സക്ക് എത്തിയ യുവതിയെ പീഡിപ്പിക്കാന്‍ ശ്രമിച്ച കേസില്‍ സ്വകാര്യ ദന്താശുപത്രിയിലെ ഡോക്ടര്‍ പൊലീസ് പിടിയിലായി. ചവറ കോട്ടയ്ക്കകം കുമ്ബഴവീട്ടില്‍ വിനീത് (30) ആണ് പിടിയിലായത്. കഴിഞ്ഞ ഞായറാഴ്ച രാവിലെ ഇയാളുടെ ചവറ നല്ലേഴുത്ത്മുക്കിലുള്ള ഡെന്‍റല്‍ ക്ലിനിക്കില്‍ ചികിത്സക്കായി എത്തിയ 23 വയസ്സുകാരിയെയാണ് പീഡിപ്പിക്കാന്‍ ശ്രമിച്ചത്.
യുവതി നിലവിളിച്ചതോടെയാണ് ഇയാള്‍ പിന്മാറിയത് എന്ന് പരാതിയില്‍ പറയുന്നു.സംഭവത്തിന് ശേഷം ഉടന്‍ ക്ലിനിക്ക് പൂട്ടി രക്ഷപ്പെട്ട ഡോക്ടറെ അന്വേഷണത്തിനൊടുവില്‍ പൊലീസ് പിടികൂടുകയായിരുന്നു. ചവറ ഇന്‍സ്പെക്ടര്‍ എ. നിസാമുദ്ദീന്‍, എസ്.ഐമാരായ സുകേഷ്, നൗഫല്‍, ആന്‍റണി, എ.എസ്.ഐ അഷറഫ്, എസ്.സി.പി.ഒമാരായ തമ്ബി, ഷീജ എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാന്‍ഡ് ചെയ്തു.
