ബംഗളൂരുവിലെ ജലപ്രതിസന്ധി മാറ്റമില്ലാതെ തുടരുകയാണ്. ഒന്നു ആശ്വാസത്തില്‍ കുളിക്കാനോ മുഖം കഴുകാനോ എന്തിനധികം ഭക്ഷണം പാചകം ചെയ്യാൻ പോലും ആവശ്യത്തിന് വെള്ളമില്ലാത്ത അവസ്ഥയാണ് നഗരം ഒന്നടങ്കം നേരിടുന്നത്. ഇവിടുത്തെ വീടുകളെയും താമസക്കാരെയും മാത്രമല്ല, ഇവിടെ ജോലി ചെയ്യുന്നവരെയും ഈ പ്രതിസന്ധി രൂക്ഷമായി ബാധിച്ചിട്ടുണ്ട്.
ഭൂഗർഭ ജലനിരപ്പില്‍ വലിയ ശോഷണമാണ് ഈ കാലയളവില്‍ ബംഗളൂരുവിൽ അനുഭവപ്പെട്ടത്. നഗരത്തിന്‍റെ പല മേഖലകളിലുയം ജല പ്രതിസന്ധി അനുഭവപ്പെട്ടുവെങ്കിലും കണക്കുകളനുസരിച്ച്‌ ബെംഗളൂരു ഈസ്റ്റിലാണ് ജലപ്രതിസന്ധി ഏറ്റവും കൂടുതല്‍ ബാധിച്ചതായി കാണപ്പെട്ടത്. ജലക്ഷാമം രൂക്ഷമായ ബാംഗ്ലൂരിലെ മറ്റിടങ്ങള്‍ ഏതൊക്കെയെമന്ന് നോക്കാം.
ബെംഗളൂരു സൗത്ത് സോണ്‍: എച്ച്‌എസ്‌ആർ ലേഔട്ട്ബൊമ്മനഹള്ളിഹൊസ്കെരെഹള്ളിചിക്കപ്പേട്ടയെലച്ചേനഹള്ളി
ബെംഗളൂരു വെസ്റ്റ് സോണ്‍: രാജാജിനഗർ ആറാം ബ്ലോക്ക്പീനിയബാഗല്‍ ഗുണ്ടെബാപ്പുജി നഗർ
ബെംഗളൂരു ഈസ്റ്റ് സോണ്‍: കെ ആർ പുരംരാമമൂർത്തിനഗർമാറത്തഹള്ളി
ബെംഗളൂരു ഈസ്റ്റ് സോണ്‍: കെ ആർ പുരം രാമമൂർത്തി നഗർ മാറത്ത ഹള്ളി
ബെംഗളൂരു നോർത്ത്: ഡി ജെ ഹള്ളി വയലിക്കാവല്‍
റിയൽ എസ്റ്റേറ്റ് മൂല്യം കുത്തനെ ഇടിയും: ബംഗളൂരു നഗരത്തിലെ ഈ മേഖലകളിൽ പലതും ഭൂമിക്ക് പൊന്നും വിലയുള്ളവയാണ്. സ്ക്വയർഫീറ്റിന് ലക്ഷങ്ങൾ വരെ വില വരുന്ന ഭൂമി ഈ പ്രദേശത്തുണ്ട്. എന്നാൽ ജല ദൗർലഭ്യം ഈ പ്രദേശങ്ങളുടെ റിയൽ എസ്റ്റേറ്റ് മൂല്യം കുത്തനെ പിടിക്കുമെന്നും വിലയിരുത്തൽ ഉണ്ട്. അതുകൊണ്ടുതന്നെ ഫ്ലാറ്റുകളിൽ ഉൾപ്പെടെ നിക്ഷേപം നടത്തിയ ചെറുകിടക്കാർ വരെ ആശങ്കയിലും ആണ്.
വരള്‍ച്ച ബാംഗ്ലൂരില്‍ മാത്രമല്ല: ഒരു മാസത്തിലേറെയായി ബംഗളൂരു വലിയ ജലപ്രതിസന്ധിയിലാണ്. എന്നാല്‍ പട്ടികയില്‍ ബാംഗ്ലൂർ മാത്രമല്ലെന്നാണ് സെൻട്രല്‍ വാട്ടർ കമ്മീഷൻറെ റിപ്പോർട്ട് പറയുന്നത്. ഈ മേഖലയിലെ പ്രധാന അണക്കെട്ടുകളില്‍ ജലനിരപ്പ് അപകടകരമാംവിധം താഴ്ന്നതിനാല്‍ ദക്ഷിണേന്ത്യയുടെ പല ഭാഗങ്ങളും ഈ വേനല്‍ക്കാലത്ത് ജലക്ഷാമം നേരിടുമെന്നാണ് ദി ഹിന്ദു റിപ്പോർട്ട് ചെയ്തു.
