തിരുവനന്തപുരം: കെഎസ്ആര്ടിസി ബസില് ബന്ധുവായ യുവതിക്കൊപ്പം ഒരേ സീറ്റിലിരുന്ന് യാത്രചെയ്തതിന് യാത്രക്കാരനെ മര്ദ്ദിച്ച കണ്ടക്ടര് അറസ്റ്റില്. വെള്ളറട ഡിപ്പോയിലെ കണ്ടക്ടര് മൈലച്ചല് കോവില്വിള സ്വദേശി സുരേഷ്കുമാര് (42) നെയാണ് അറസ്റ്റു ചെയ്തത്.തിരുവനന്തപുരത്തുനിന്ന് വെള്ളറടയിലേക്കു പോയ ബസില് ശനിയാഴ്ച രാവിലെ 11 മണിയോടെയാണ് സംഭവം.
ബാലരാമപുരം സിസിലിപുരം സ്വദേശി ഋതിക് കൃഷ്ണ(23)നാണ് ബസില്വെച്ച് കണ്ടക്ടറുടെ മര്ദനമേറ്റത്. തിരുവനന്തപുരത്തു നിന്ന് കാട്ടാക്കടയ്ക്ക് പോകാൻ ബസില് കയറിയ ഋതിക് കൃഷ്ണനും ബന്ധുവായ യുവതിയും ഒരു സീറ്റില് ഇരുന്നാണ് യാത്രചെയ്തത്. ഇതുകണ്ട കണ്ടക്ടര് യുവാവിനോട് മാറിയിരിക്കാന് ആവശ്യപ്പെട്ടു. എന്നാല് ഇതിനു തയ്യാറാകാതിരുന്ന ഋതിക് കൃഷ്ണനെ കണ്ടക്ടര് അസഭ്യം പറയുകയും ടിക്കറ്റ് മെഷീന് കൊണ്ട് അടിക്കുകയും നിലത്തിട്ട് മര്ദ്ദിക്കുകയുമായിരുന്നു.
നീ അവിടെ ഇരിയെടാ.യാത്രയ്ക്കിടെ വിദ്യാർഥിയെ കണ്ടക്ടർ KSRTC ബസ്സിൽ നിന്ന് തള്ളിയിട്ടതായി പരാതി #shortsvideo #ksrtcbus #viral #shortsvideo
Posted by News18 Kerala on Saturday, 29 July 2023
തുടര്ന്ന് കണ്ടക്ടര് കാട്ടാക്കട പൊലീസിനെ വിളിച്ചുവരുത്തി തന്നെ കൈയേറ്റം ചെയ്തെന്ന് ആരോപിച്ച് ഋതിക്കിനെ കൈമാറി.എന്നാല് യാത്രക്കാര് കണ്ടക്ടര്ക്കെതിരേ പരാതി ഉന്നയിച്ചു. ബസിനുള്ളില് കണ്ടക്ടര് യുവാവിനെ കൈയേറ്റം ചെയ്യുന്ന ദൃശ്യം യാത്രക്കാരിലൊരാള് പകര്ത്തി സാമൂഹികമാധ്യമത്തിലൂടെ പ്രചരിപ്പിച്ചതോടെ സംഭവം വിവാദമായി. ഇതേത്തുടര്ന്നാണ് കണ്ടക്ടര് സുരേഷ് കുമാറിനെ പൊലീസ് അറസ്റ്റ് ചെയ്തത്.