പൊലീസും, മോട്ടോർ വാഹന വകുപ്പും, മൈനിങ് ആൻഡ് ജിയോളജിയും, ലീഗൽ മെട്രോളജിയും ആരോഗ്യ വിഭാഗവും ഉൾപ്പെടെയുള്ള സർക്കാർ വകുപ്പുകൾ സാധാരണക്കാരന്റെ പ്രസ്ഥാനങ്ങളിലേക്ക് ഇടിച്ചു കയറി പിഴ ചുമത്തുന്നു; സംസ്ഥാന സർക്കാർ സാമ്പത്തിക പ്രതിസന്ധി മൂത്തപ്പോൾ പിടിച്ചുപറിക്കാരന്റെ മനോഭാവത്തിലേക്ക് തരംതാഴ്ന്നു: അഡ്വക്കേറ്റ് വി ടി പ്രദീപ് കുമാറിന്റെ കുറിപ്പ് ശ്രദ്ധേയമാകുന്നു.

അങ്ങനെ ഓരോ വകുപ്പും തങ്ങളാൽ കഴിയുന്ന വിധം പിഴ ചുമത്തി തുടങ്ങിയിരിക്കുന്നു. ഇത്തരം പരിശോധനകൾ വേണ്ട എന്നല്ല, കാലാകാലങ്ങളിൽ സമയബന്ധിതമായി നടത്തേണ്ട പരിശോധനകൾ നടത്താതെ വലിയ ഫൈൻ ഈടാക്കി കൊണ്ടുള്ള ഇപ്പോഴത്തെ ഈ പരിശോധനകളുടെ ലക്ഷ്യം വ്യക്തമാണ്. പെട്രോൾ സെസ്സിൽ തുടങ്ങിയ പിടിച്ചു പറി ഇന്ന് എല്ലാ മേഖലയിലും വ്യാപിപ്പിച്ച് പാവപ്പെട്ടവന് ജീവിക്കാൻ കഴിയാത്ത വിധം വ്യവസ്ഥിതിയെ ദുസ്സഹമാക്കി കൊണ്ടിരിക്കുകയാണ് സർക്കാർ.
ഉത്പാദനോപാധികളുടെ വിലവർദ്ധനവും ഭാരിച്ച കെട്ടിട പെർമിറ്റ് ഫീസും നികുതിയും നിർമ്മാണ മേഖലയെ നിശ്ചലമാക്കിയതോടെ നാട്ടിൽ സാധാരണക്കാർക്ക് പണിയില്ലാതായി. മദ്യവിൽപ്പന വർദ്ധിപ്പിക്കാൻ നാട് നീളെ വിൽപ്പന കേന്ദ്രങ്ങൾ വരുന്നു.

മറുവശത്ത് പച്ച കുതിരയെ ഇറക്കിയുള്ള ഭാഗ്യപരീക്ഷണത്തിലൂടെ ജനങ്ങളുടെ കീശയും കാലിയാക്കുന്നു. പുതിയ വരുമാന മാർഗ്ഗങ്ങൾ കണ്ടെത്താൻ കഴിയാത്ത ഭരണകൂടം പഴയ പറ്റ് പുസ്തകത്തിലെ കണക്കുകൾ പരതുകയാണ്. എന്താണ് ഈ നാട്ടിൽ നടക്കുന്നത് ? ഉദ്യോഗസ്ഥർക്കും രാഷ്ട്രീയക്കാർക്കും മാത്രം ജീവിക്കാനുള്ള ഒരിടമായി കേരളം മാറിയിരിക്കുന്നു.ഈ നാട്ടിൽ നിന്ന് എത്രയും പെട്ടെന്ന് ഓടി രക്ഷപ്പെടുക. ഇനി അത് മാത്രമേ വഴിയുള്ളൂ.

തയ്യാറാക്കിയത് ,
അഡ്വ. വി.ടി.പ്രദീപ് കുമാർ
സെക്രട്ടറി, ദി പീപ്പിൾ
9947243655

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക