തിരുവനന്തപുരം മുതലപ്പൊഴിയിൽ വീണ്ടും അപകടം; മത്സ്യബന്ധന വള്ളം പുലിമുട്ടിലേക്ക് ഇടിച്ചു കയറി; തൊഴിലാളി നീന്തി രക്ഷപ്പെട്ടു: അപകടത്തിന്റെ വീഡിയോ ദൃശ്യങ്ങൾ കാണാം.

തിരുവനന്തപുരം മുതലപ്പൊഴിയില്‍ മത്സ്യ ബന്ധന വള്ളം നിയന്ത്രണം വിട്ട് പുലിമുട്ടിലേക്ക് ഇടിച്ചു കയറി അപകടം. കടലില്‍ വീണ മത്സ്യതൊഴിലാളി നീന്തി കയറി.ഇന്ന് രാവിലെ 7 മണിയോടെയാണ് അപകടം. അഭി, മൊയ്തീൻ, എന്നീവരാണ് വള്ളത്തിലുണ്ടായിരുന്നത്. പുലിമുട്ടിലേക്ക് ഇടിച്ചുകയറിയതോടെ അഭി കടലിലേക്ക് വീഴുകയും പിന്നീട് നീന്തി കയറുകയുമായിരുന്നു.

പുതുക്കുറിച്ചി സ്വദേശി അനിലിൻ്റെ ഉടസ്ഥതയിലുള്ള നജാത്ത് എന്ന വള്ളമാണ് അപകടത്തില്‍ പ്പെട്ടത്. പുലിമുട്ടില്‍ കയറിയ വള്ളം മത്സ്യത്തൊഴിലാളികളുടെ വള്ളം എത്തി കെട്ടി വലിച്ച്‌ മുതലപ്പൊഴി ഹാര്‍ബറില്‍ എത്തിക്കുകയായിരുന്നു. കഴിഞ്ഞാഴ്ച മുതലപ്പൊഴിയില്‍ മത്സ്യബന്ധന വള്ളം മറിഞ്ഞ് 4 പേര്‍ മരിച്ചിരുന്നു. പുതുക്കുറിച്ചി സ്വദേശികളായ കുഞ്ഞുമോൻ, സുരേഷ് ഫെര്‍ണാണ്ടസ്, ബിജു ആന്റണി, റോബിൻ എഡ്‍വിൻ എന്നിവരായിരുന്നു മരിച്ചത്.