‘കാവാലയ്യാ’ ചുവടുകളുമായി ഷൈന്‍,’ രതിപുഷ്പ’ത്തെ കടത്തിവെട്ടുമെന്ന് ആരാധകർ: വീഡിയോ കാണാം.

ഇപ്പോള്‍ എങ്കും ജയിലറിലെ ‘കാവാലയ്യാ’ ആണ് തരംഗം. സോഷ്യല്‍ മീഡിയ വാളുകളില്‍ ഈ ഗാനം തന്നെയാണ് താരം. തമന്ന തകര്‍ത്താടിയ ഗാനത്തിലെ ഐക്കോണിക് സ്റ്റെപ്പിന് ചുവടുവച്ച്‌ സിനിമാ താരങ്ങള്‍ ഉള്‍പ്പടെ നിരവധി പേരാണ് രംഗത്തെത്തുന്നത്. ഇക്കൂട്ടത്തിലേക്ക് എത്തിയിരിക്കുകയാണ് നടൻ ഷൈൻ ടോം ചാക്കോ.

ഷൈൻ നല്ലൊരു ഡാൻസര്‍ കൂടിയാണെന്ന് ഭീഷ്മപര്‍വം സിനിമയിലൂടെ ഏവര്‍ക്കും മനസിലായ കാര്യമാണ്. ‘കാവാലയ്യാ’യെ അതിമനോഹരമായാണ് ഷൈൻ അവതരിപ്പിച്ചിരിക്കുന്നതും. ഹിപ്പ് മൂവ്മെന്റ് എല്ലാം പക്കാ രീതിയില്‍ തന്നെ നടൻ ചെയ്യുന്നുണ്ട്. വീഡിയോ പുറത്തുവന്നതിന് പിന്നാലെ കമന്റുകളുമായി ആരാധകരും രംഗത്തെത്തി.