യുവതിയുടെ ഫോട്ടോ മോർഫ് ചെയ്ത് അശ്ലീലചിത്രമാക്കിയെന്ന പരാതിയിൽ പൊലീസ് നടത്തിയ അന്വേഷണത്തിൽ ഞെട്ടിക്കുന്ന വിവരങ്ങളാണ് ലഭിച്ചത്. മൊബൈൽ ഫോണിൽ അപേക്ഷ ഡൗൺലോഡ് ചെയ്‌താൽ ഈടില്ലാതെ വായ്പ നൽകുന്ന ‘ലോൺ ആപ്പ്’ ഗ്രൂപ്പാണ് ഇതിന് പിന്നിലെന്ന് കണ്ടെത്തി. യുവതിയുടെ കൂടെ ജോലി ചെയ്യുന്ന യുവാവ് ലോൺ ആപ്പിൽ നിന്ന് ലോൺ എടുത്തിരുന്നു. തിരിച്ചടവ് വൈകുന്നുവെന്ന് ആരോപിച്ച് ലോൺ ആപ്പ് ഗ്രൂപ്പ് യുവാവിന്റെ ഫോൺ ഗാലറിയിൽ യുവതിയുടെ ഫോട്ടോ ശേഖരിച്ച് മോർഫ് ചെയ്ത് പ്രചരിപ്പിച്ചു.
ലോൺ ആപ്പ് തട്ടിപ്പുകൾക്കെതിരെ ജാഗ്രത പാലിക്കണമെന്ന മുന്നറിയിപ്പുമായി സംഭവത്തെക്കുറിച്ച് കേരള പോലീസ് സോഷ്യൽ മീഡിയയിൽ പങ്കുവെച്ച കുറിപ്പ് വായിക്കാം:
പരാതിയുമായി സ്റ്റേഷനിലെത്തിയ യുവതി പരാതി സംഗതി അവതരിപ്പിക്കാന്‍ ബുദ്ധിമുട്ടുന്നത് വനിതാ പോലീസുദ്യോഗസ്ഥയുടെ ശ്രദ്ധയില്‍പ്പെട്ടു. പോലീസ് ഉദ്യോഗസ്ഥ അവരോട് വിശദമായി സംസാരിച്ച്‌ ധൈര്യം പകര്‍ന്നു. ‘തന്റെ ഫോട്ടോ അശ്‌ളീല ഫോട്ടോയോടൊപ്പം മോര്‍ഫ് ചെയ്ത് വാട്സ്‌ആപ്പിലൂടെ പ്രചരിപ്പിക്കുന്നു.’ – പരാതിക്കാരി വിവാഹിതയും, ഒരു കുട്ടിയുടെ അമ്മയുമാണ്.
പരാതിക്കാരിയുടെ മൊബൈല്‍ഫോണ്‍ വിശദമായ പരിശോധിച്ചതില്‍ യുവതി ജോലിചെയ്യുന്ന സ്ഥാപനത്തില്‍, ഏതോ ഒരു വിശേഷ ചടങ്ങിനോടനുബന്ധിച്ച്‌ സഹപ്രവര്‍ത്തകരോടൊപ്പം എടുത്ത ഫോട്ടോയാണ് വാട്സ് ആപ്പില്‍ പ്രൊഫൈല്‍ ഫോട്ടോയായി ഉപയോഗിച്ചിരുന്നത്. ഓഫീസിലെ വിശേഷദിവസത്തോടനുബന്ധിച്ച്‌ എടുത്ത ഫോട്ടോ ആയതിനാല്‍ വിവിധ ഗ്രൂപ്പുകളിലും ഫോട്ടോകള്‍ ഷെയര്‍ ചെയ്തിരുന്നു.
സഹപ്രവര്‍ത്തകനായ ഒരു യുവാവും ചിത്രത്തില്‍ ഉണ്ടായിരുന്നു. സംശയം തോന്നിയതിനാല്‍ ഫോട്ടോയില്‍ കാണപ്പെട്ട യുവാവിനെ വിളിച്ചുവരുത്തി. അയാളുടെ മൊബൈല്‍ ഫോണും പരിശോധനക്ക് വിധേയമാക്കി. കൂടെ ജോലിചെയ്യുന്നവരുമായി നല്ല ബന്ധം സൂക്ഷിക്കുന്നയാളാണ് അയാള്‍. മാത്രവുമല്ല, ഇത്തരത്തില്‍, ഒരു ഫോട്ടോ മോര്‍ഫ് ചെയ്ത് പ്രചരിപ്പിക്കത്തക്കതായ യാതൊരു കാരണവും തനിക്കില്ലെന്നും അയാള്‍ വ്യക്തമാക്കി.
ഇരുവരുടേയും മൊബൈല്‍ ഫോണുകള്‍ വീണ്ടും വിശദമായി പരിശോധിച്ചതില്‍ യുവാവിന്റെ മൊബൈല്‍ ഫോണില്‍ ഒരു ഇന്‍സ്റ്റന്റ് ലോണ്‍ ആപ്പ് ഇന്‍സ്റ്റാള്‍ ചെയ്തിരിക്കുന്നത് പോലീസുദ്യോഗസ്ഥരുടെ ശ്രദ്ധയില്‍പ്പെട്ടു. പണത്തിന്റെ അത്യാവശ്യം വന്നപ്പോള്‍ അയാള്‍ ലോണ്‍ ആപ്പ് വഴി രണ്ടു പ്രാവശ്യമായി പതിനായിരം രൂപ ലോണ്‍ എടുത്തു. പലിശ സഹിതം ഇരട്ടിയോളം തുക തിരിച്ചടച്ചു. ലോണ്‍ ആപ്പ് കമ്ബനിക്കാര്‍ പണം ലഭിച്ചില്ലെന്നും, വീണ്ടും വീണ്ടും തുക അടക്കണമെന്നും ആവശ്യപ്പെട്ടു. അയാള്‍ കണക്കു സഹിതം സമര്‍ത്ഥിച്ചിട്ടും ലോണ്‍ ആപ്പുകാര്‍ വേറെ വേറെ മൊബൈല്‍ നമ്ബറുകളില്‍ നിന്നും ഭീഷണി തുടര്‍ന്നു. നാണക്കേട് ഭയന്ന് യുവാവ് സംഭവിച്ചതൊന്നും പുറത്തു പറയാതിരിക്കുകയായിരുന്നു.
യുവാവിന്റെ ഫോണിലേക്ക് ലോണ്‍ ആപ്പ് കമ്ബനിക്കാര്‍ അയച്ച മോര്‍ഫ് ചെയ്ത ചിത്രങ്ങള്‍ ഉള്‍പ്പെടെയുള്ള ഭീഷണി സന്ദേശങ്ങള്‍ പോലീസുദ്യോഗസ്ഥര്‍രുടെ ശ്രദ്ധയില്‍പ്പെട്ടു. യുവതിയുടെ ഫോട്ടോ മോര്‍ഫ് ചെയ്തത് ലോണ്‍ ആപ്പ് കമ്ബനിക്കാര്‍ തന്നെയായിരിക്കാമെന്ന് പോലീസ് ഉദ്യോഗസ്ഥര്‍ അവരോട് പറഞ്ഞു മനസ്സിലാക്കി. സൈബര്‍ ക്രൈം വിഭാഗത്തിന്റെ നേതൃത്വത്തില്‍ തുടരന്വേഷണം പുരോഗമിക്കുന്നു.
തൽക്ഷണ വായ്പ തട്ടിപ്പുകാർ എന്താണ് ചെയ്യുന്നത്:
⭕ മൊബൈൽ ഫോണിൽ ലോൺ ആപ്പ് ഇൻസ്റ്റാൾ ചെയ്യുന്ന സമയത്ത്, ലോൺ ആപ്പ് കമ്പനികൾ ഫോണിൽ നിന്ന് ഞങ്ങളുടെ കോൺടാക്റ്റുകളും ഗാലറിയും എടുക്കുന്നു.
⭕ വ്യക്തിയുടെ ഫോട്ടോ, ആധാർ കാർഡ്, പാൻ കാർഡ്, ബാങ്ക് പാസ്ബുക്ക് എന്നിവയുടെ പകർപ്പുകളും വായ്പ ലഭിക്കുന്നതിന് ആവശ്യമാണ്. ഇവയെല്ലാം അടച്ചതിന് ശേഷം മാത്രമേ വായ്പക്കാരന്റെ അക്കൗണ്ടിലേക്ക് പണം നിക്ഷേപിക്കുകയുള്ളൂ.
⭕ ലോൺ തുകയിൽ നിന്ന് ഒരു വലിയ തുക കുറച്ച ശേഷം ബാക്കി തുക നൽകും.
⭕ വായ്പ കൃത്യമായി തിരിച്ചടച്ചാലും, അത് ലോൺ ആപ്പിൽ പ്രതിഫലിക്കില്ല. ലോൺ തുകയിൽ വീഴ്ച വരുത്തിയതിന്റെ പേരിൽ പണവും പലിശയും ഇവർ ആവർത്തിച്ച് ആവശ്യപ്പെടും. ഏറ്റവും പുതിയ തട്ടിപ്പ് ഇതാ.
അതിനുശേഷം
ലോൺ വാങ്ങുന്നയാളുടെ കോൺടാക്റ്റ് ലിസ്റ്റ് ഉപയോഗിച്ച് സ്ത്രീകളുടെ പ്രൊഫൈൽ ചിത്രങ്ങൾ മോർഫ് ചെയ്യുന്നു. അതിനുശേഷം മോർഫ് ചെയ്ത ചിത്രം കടം വാങ്ങുന്നയാൾക്കും കോൺടാക്റ്റ് ലിസ്റ്റിലുള്ള വ്യക്തിക്കും അയച്ചുകൊടുക്കും. വായ്പ തിരിച്ചടച്ചില്ലെങ്കിൽ ഇത് വ്യാപകമായി പ്രചരിപ്പിക്കുമെന്ന് ഭീഷണിപ്പെടുത്തുന്നു.
ലോൺ തുകയിൽ ഉപഭോക്താവ് വീഴ്ച വരുത്തിയതിന് ശേഷമാണ് മോർഫ് ചെയ്ത ചിത്രങ്ങൾ വ്യാപകമായി പ്രചരിക്കുന്നത്. വ്യാജ ഐഡികളിൽ നിന്നും വ്യാജ വാട്ട്‌സ്ആപ്പ് നമ്പറുകളിൽ നിന്നുമാണ് ഇത്തരക്കാർ കൂടുതലായി സന്ദേശങ്ങൾ അയക്കുന്നത്. അപകടങ്ങൾക്ക് ഇരയായവർ നാണക്കേട് കാരണം പരാതി നൽകാൻ മടിക്കുന്നതിനാൽ കുറ്റവാളികൾ ഇത്തരം കുറ്റകൃത്യങ്ങൾ ആവർത്തിക്കുകയാണ്.
