ഇടുക്കി ഐഡിഎ ഗ്രൗണ്ടിൽ സ്വാതന്ത്ര്യദിനാഘോഷത്തിൽ പങ്കെടുക്കാനെത്തിയ യുവതിക്ക് പൊലീസ് ഡോഗ് സ്ക്വാഡ് നായയുടെ കടിയേറ്റു. ഡീൻ കുര്യാക്കോസ് എംപിയുടെ പേഴ്സണൽ സ്റ്റാഫിലെ ജീവനക്കാരനാണ് പേപ്പാറ വടക്കേടത്ത് ഷാന്റി ടൈറ്റസിനാണ് (41) കടിയേറ്റത്. ഇവരെ ഉടൻ ഇടുക്കി മെഡിക്കൽ കോളേജിൽ എത്തിച്ച് ചികിത്സ നൽകി.
സ്വാതന്ത്ര്യദിന പരേഡിന് ശേഷം ഗ്രൗണ്ടിൽ ഡോഗ് സ്ക്വാഡിന്റെ പ്രത്യേക പ്രദർശനം ഉണ്ടായിരുന്നു. ആൾക്കൂട്ടത്തിനിടയിലൂടെ പുറത്തേക്ക് വിടുന്നതിനിടെ, ബെൽജിയൻ മാലിനോയിസ് നായ എയ്ഞ്ചൽ പരിശീലകന്റെ പിടിയിൽ നിന്ന് ചാടി സ്ത്രീയുടെ ഇടതുകൈയിൽ കടിച്ചു. കൈത്തണ്ടയിൽ ആഴത്തിൽ കടിയേറ്റ യുവതിയെ സംഭവസ്ഥലത്ത് വെച്ച് ആംബുലൻസിൽ ആശുപത്രിയിലേക്ക് കൊണ്ടുപോയി.
പ്രകൃതിക്ഷോഭങ്ങളിൽ മണ്ണിൽ കുഴിച്ചിട്ട കാണാതാകുന്നവരെ തിരയുന്ന സ്നിഫർ നായയാണ് ഏയ്ഞ്ചൽ. വേണ്ടത്ര പരിശീലനത്തിന്റെ അഭാവമാണ് നായയുടെ ഇത്തരത്തിലുള്ള പ്രതികരണത്തിന് കാരണമെന്ന് കരുതുന്നു. ‘ബെൽജിയം മാലിനുവ നായ്ക്കൾ പെട്ടെന്ന് പ്രതികരിക്കും. എന്നാൽ പരേഡ് ഗ്രൗണ്ടിൽ നടന്ന സംഭവം അപ്രതീക്ഷിതമായിരുന്നു. എയ്ഞ്ചൽ എന്ന നായ്ക്കുട്ടി ഇപ്പോൾ നിരീക്ഷണത്തിലാണ്. കൃത്യമായ ഇടവേളകളിൽ പ്രതിരോധ കുത്തിവയ്പ്പ് നടത്തുന്നതിനാൽ ഭയപ്പെടേണ്ട കാര്യമില്ല. എയ്ഞ്ചലിന്റെ പരിശീലന കാലയളവ് പൂർത്തിയായില്ല’ – റോയ് തോമസ്, ഇടുക്കി ഡോഗ് സ്ക്വാഡ് ഇൻചാർജ്
