കുന്ദമംഗലം: കാറില് കടത്തിയ 19 കിലോഗ്രാം കഞ്ചാവുമായി സ്ത്രീയടക്കം രണ്ടു പേര് പിടിയില്. തൃശ്ശൂര് പൂങ്കുന്നം മാളിയേക്കല് വീട്ടില് ലീന ജോസ് (42), പട്ടാമ്ബി തിരുവേഗപുറം പൂവന്തല വീട്ടില് സനല് (36) എന്നിവരാണ് കുന്ദമംഗലം ടൗണില് തിങ്കളാഴ്ച രാവിലെ പൊലീസിന്റയും മയക്കുമരുന്ന് വിരുദ്ധ സേനയായ ഡാന്സാഫിന്റയും പിടിയിലായത്. ചില്ലറ വിപണിയില് 15 ലക്ഷം രൂപയോളം വിലയുള്ളതാണ് പിടിച്ചെടുത്ത കഞ്ചാവ്. പ്രതികള് വാടകക്കെടുത്ത കാറും കസ്റ്റഡിയിലെടുത്തിട്ടുണ്ട്.
രഹസ്യ വിവരത്തിന്റ അടിസ്ഥാനത്തിലാണ് പൊലീസ് വല വീശിയത്.ദേശീയ പാതയില് ഒരു കിലോമീറ്റര് അപ്പുറത്ത് പന്തീര്പാടം അങ്ങാടിക്കടുത്ത് മറ്റൊരു സംഘം പൊലീസും ഇവര്ക്ക് വേണ്ടി കാത്തുനില്പ്പുണ്ടായിരുന്നു. കുന്ദമംഗലം സ്റ്റേഷന് ഹൗസ് ഓഫിസര് യൂസഫിെന്റയും എസ്.ഐ എ. അഷ്റഫിന്റയും നേതൃത്വത്തിലാണ് പ്രതികളെ പിടികൂടിയത്.
ഒന്നര കിലോഗ്രാം വീതമുള്ള പ്ലാസ്റ്റിക് പാക്കറ്റുകളിലാക്കിയ കഞ്ചാവ് വലിയ ട്രോളി ബാഗില് സൂക്ഷിച്ച നിലയിലായിരുന്നു. കാറിെന്റ ഡിക്കിയിലായിരുന്നു ബാഗ്.തൃശൂരില്നിന്ന് വയനാട്ടിലേക്ക് വില്പനയ്ക്ക് കൊണ്ടുപോവുകയായിരുന്നു കഞ്ചാവെന്ന് പ്രതികള് സമ്മതിച്ചു.രണ്ടു മാസമായി ഇവര് ചേവരമ്ബലത്ത് വാടകയ്ക്ക് താമസിച്ച് വരികയായിരുന്നുവെന്ന് പൊലീസ് പറഞ്ഞു. ഇവരുടെ ലക്ഷ്യസ്ഥാനം സംബന്ധിച്ചും കഞ്ചാവ് വാങ്ങിയത് എവിടെ നിന്നാണെന്നും പൊലീസ് അന്വേഷിക്കുകയാണ്.
നേരത്തെ നാട്ടില് ബേക്കറി നടത്തുകയായിരുന്നു സനല്. സമീപത്ത് ലീന ബ്യൂട്ടി പാര്ലറും നടത്തിയിരുന്നു. ഇവരുടെ വാടക വീട്ടിലും പൊലീസ് റെയ്ഡ് നടത്തി. ഉന്നത പോലീസ് ഉദ്യോഗസ്ഥരടക്കം ചോദ്യം ചെയ്ത ശേഷം രാത്രിയോടെ അറസ്റ്റ് രേഖപ്പെടുത്തി കോടതിയില് ഹാജരാക്കി.
ഭാര്യയും ഭര്ത്താവും എന്ന വ്യാജേന യാത്ര; കാറില് അഡ്വക്കറ്റ് സ്റ്റിക്കര്:
കഞ്ചാവുമായി പിടിയിലായ ലീന ജോസും സനലും യാത്ര ചെയ്തിരുന്നത് ഭാര്യയും ഭര്ത്താവും എന്ന വ്യാജേനെ. പോലീസ് പരിശോധിക്കുമ്ബാള് ഭാര്യയും ഭര്ത്താവുമാണെന്ന് പറയും. വാടകക്കെടുത്ത കാറിന്റ നമ്ബര്പ്ലേറ്റ് മാറ്റിയാണ് കഞ്ചാവുമായി യാത്ര. കാറില് അഭിഭാഷകരെന്ന വ്യാേജനയുള്ള സ്റ്റിക്കറും ഒട്ടിച്ചിട്ടുണ്ട്. പൊലീസിന്റ പരിശോധന പരമാവധി ഒഴിവാക്കിയായിരുന്നു യാത്ര. പകല്നേരങ്ങളില് ഊടുവഴികളിലൂടെ സഞ്ചരിക്കും. അല്ലെങ്കില് ഇവരുടെ യാത്ര അര്ധരാത്രിയും പുലര്ച്ചെയുമാകും. ആഡംബര ജീവിതമായിരുന്നു ഇരുവരുടേതുമെന്ന് പോലീസ് പറഞ്ഞു. ലോക്ഡൗണ്കാലത്ത് നിരവധി തവണ കഞ്ചാവ് കടത്തിയിട്ടുണ്ട്. കോഴിക്കോട് നഗരപരിധിയില് ഈ മാസം നടക്കുന്ന നാലാമത്തെ വലിയ മയക്കുമരുന്ന് വേട്ടയാണിത്.