പ്രണയ പകയിൽ കൊലപാതകശ്രമം: തിരുവനന്തപുരം സ്വദേശിനിയെ മുൻ കാമുകൻ വീട്ടിൽ കയറി കുത്തിപ്പരിക്കേൽപ്പിച്ചു; പതിനഞ്ചോളം കുത്തുകളേറ്റ യുവതിയുടെ നില അതീവ ഗുരുതരം.

തിരുവനന്തപുരം: പ്രണയം നിരസിച്ചതിന്റെ പകയില്‍ യുവാവ് 20കാരിയെ കുത്തിപ്പരിക്കേല്‍പ്പിച്ചു. തിരുവനന്തപുരം നെടുമങ്ങാടാണ് സംഭവം. 20കാരിയുമായി അടുപ്പത്തിലായിരുന്ന ആര്യനാട് സ്വദേശി അരുണ്‍ എന്നയാളാണ് ആക്രമണത്തിന് പിന്നില്‍.യുവതി താമസിച്ചിരുന്ന വീട്ടിലെത്തിയാണ് ഇയാള്‍ ആക്രമണം നടത്തിയത്.

ആക്രമണത്തില്‍ യുവതിയ്ക്ക് ​ഗുരുതര പരിക്കേറ്റു. യുവതിയുടെ ശരീരത്തില്‍ 15 കുത്തുകള്‍ ഏറ്റിട്ടുണ്ട്. പ്രണയ നൈരാശ്യമാണ് ആക്രമണത്തില്‍ പിന്നിലെന്ന് പൊലീസ് പറയുന്നു.പ്രതി അരുണിനെ നാട്ടുകാര്‍ പിടികൂടി പൊലീസില്‍ എല്‍പ്പിച്ചു. ഇയാളെ ചോദ്യം ചെയ്ത് വരുന്നു.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക