ബംഗളൂരു: ചാമുണ്ഡി ഹില്സില് കോളേജ് വിദ്യാര്ത്ഥിനിയെ കൂട്ടബലാത്സംഗം ചെയ്ത സംഭവത്തില് നിര്ണായക വിവരങ്ങള് പുറത്ത്.
പ്രതികള് പീഡന ദൃശ്യങ്ങള് ഫോണില് പകര്ത്തുകയും, പണം ആവശ്യപ്പെട്ട് ഭീഷണിപ്പെടുത്തുകയും ചെയ്തു. മൂന്ന് ലക്ഷം രൂപ നല്കിയില്ലെങ്കില് ദൃശ്യങ്ങള് സോഷ്യല് മീഡിയയില് പ്രചരിപ്പിക്കുമെന്നായിരുന്നു ഭീഷണി.
മണിക്കൂറുകളോളമാണ് പ്രതികള് പെണ്കുട്ടിയെ പീഡനത്തിനിരയാക്കിയതെന്നാണ് റിപ്പോര്ട്ടുകള്. ഡി എന് എ തെളിവുകള് ശേഖരിച്ച് പ്രതികളെ പിടികൂടാനുള്ള ശ്രമത്തിലാണ് പൊലീസ് ഇപ്പോള്. കോളേജ് വിദ്യാര്ത്ഥിനിയെ ആറ് പേര് ചേര്ന്നാണ് പീഡനത്തിനിരയാക്കിയത്.
ബൈക്കില് സുഹൃത്തിനൊപ്പം ചാമുണ്ഡി ഹില്സ് കാണാനെത്തിയതായിരുന്നു പെണ്കുട്ടി. ബൈക്ക് തടഞ്ഞ് നിറുത്തിയ പ്രതികള് സുഹൃത്തിനെ അടിച്ചുവീഴ്ത്തി, പെണ്കുട്ടിയെ ബലാത്സംഗം ചെയ്യുകയായിരുന്നു. ശേഷം കുറ്റിക്കാട്ടില് ഉപേക്ഷിക്കുകയായിരുന്നു.ബോധരഹിതയായ വിദ്യാര്ത്ഥിനിയേയും സുഹൃത്തിനെയും പ്രദേശവാസികളാണ് ആശുപത്രിയിലെത്തിച്ചത്.