ആധാർ കാർഡും ഈ രേഖകളും ഉണ്ടെങ്കിൽ അൻപതിനായിരം രൂപ വായ്പ ലഭ്യമാക്കുന്ന കേന്ദ്രസർക്കാർ പദ്ധതി; വായിക്കാം പി എം സ്വനിധി പദ്ധതിയെക്കുറിച്ച്

ചെറുകിട കച്ചവടം നടത്തുന്ന രാജ്യത്തെ ചെറുകിട നാമമാത്ര വ്യാപാരികള്‍ക്ക് തങ്ങളുടെ ബിസിനസ് വിപുലീകരിക്കുന്നതിന് ചെറുകിട വായ്പകള്‍ നല്‍കാനുള്ള സൗകര്യമാണ് കേന്ദ്ര സർക്കാർ ഈ പദ്ധതിയിലൂടെ ഒരുക്കുന്നത്. ഏതൊരു ചെറുകിട, ഇടത്തരം കച്ചവടക്കാർക്കും ഈ പദ്ധതിയുടെ പ്രയോജനം ലഭിക്കും. പഴങ്ങള്‍, പച്ചക്കറികള്‍, കരകൗശല ഉല്‍പന്നങ്ങള്‍, ഭക്ഷ്യ ഉല്‍പന്നങ്ങള്‍, ചായ, കോഫി തുടങ്ങിയവ വിതരണം ചെയ്യുന്ന നിരവധി തെരുവ് കച്ചവടക്കാർ രാജ്യത്തുണ്ട്. അസംഘടിത തൊഴില്‍ മേഖലയില്‍പ്പെടുന്ന ഇത്തരം വിഭാഗക്കാർക്ക് ‘പിഎം സ്വനിധി’ പ്രയോജനപ്പെടുത്താം.

50,000 രൂപ വരെ വായ്പ ലഭിക്കും: സ്വാനിധി പദ്ധതി പ്രകാരം കേന്ദ്ര സർക്കാർ 50,000 രൂപ വരെ വായ്പ നല്‍കുന്നു. എന്നാല്‍ 50,000 രൂപ വായ്പയെടുക്കാൻ നിങ്ങളുടെ വിശ്വാസ്യത വളർത്തിയെടുക്കേണ്ടതുണ്ട്. അതിനാല്‍, ഈ പദ്ധതി പ്രകാരം ആർക്കും 10,000 രൂപ ആദ്യ വായ്പ ലഭിക്കും. ഒരു തവണ വായ്പ തിരിച്ചടച്ച ശേഷം രണ്ടാം തവണയും ഇരട്ടി തുക വായ്പയായി എടുക്കാം.

എങ്ങനെ പ്രയോജനപ്പെടുത്താം? നിങ്ങള്‍ക്ക് ഈ പദ്ധതിയുടെ പ്രയോജനം ലഭിക്കണമെങ്കില്‍, അടുത്തുള്ള ഏതെങ്കിലും ദേശസാൽകൃത ബാങ്കില്‍ പോയി അപേക്ഷിക്കണം. അപേക്ഷാ ഫോമിനൊപ്പം ചില പ്രധാന രേഖകളും നല്‍കേണ്ടതുണ്ട്. ഇതിനുശേഷം, നിങ്ങളുടെ ഫോമും നിങ്ങളുടെ ജോലിയും സൂക്ഷ്മമായി പരിശോധിക്കുന്നു, എല്ലാം ശരിയാണെന്ന് കണ്ടെത്തിയാല്‍ വായ്പ തുക നിങ്ങള്‍ക്ക് നല്‍കും. ബാങ്കുകള്‍ വഴി മാത്രമേ നിങ്ങള്‍ക്ക് ഈ സ്കീമിന് അപേക്ഷിക്കാൻ കഴിയൂ.

ആവശ്യമായ രേഖകൾ

*അപേക്ഷകൻ്റെ തിരിച്ചറിയല്‍ കാർഡും ആധാർ കാർഡും

* അപേക്ഷകൻ ചെയ്യുന്ന ജോലിയെക്കുറിച്ചുള്ള വിവരങ്ങള്‍.

* പാൻ കാർഡ്

*ബാങ്കില്‍ സേവിംഗ്സ് അക്കൗണ്ട്

* വരുമാന സ്രോതസ്സ്.

ഗ്യാരണ്ടി ആവശ്യമില്ല: ഈ സ്കീമിന് കീഴില്‍ വായ്പയെടുക്കുന്നതിന് യാതൊരു ഗ്യാരണ്ടിയും ആവശ്യമില്ല. അപേക്ഷ അംഗീകരിച്ചതിന് ശേഷം, ലോണ്‍ തുക മൂന്ന് തവണയായി നിങ്ങളുടെ അക്കൗണ്ടിലേക്ക് ട്രാൻസ്ഫർ ചെയ്യപ്പെടും. ലോണ്‍ തുക യഥാസമയം തിരിച്ചടച്ചാല്‍ ഗുണഭോക്താക്കള്‍ക്ക് ഏഴ് ശതമാനം വരെ സബ്‌സിഡി ലഭിക്കും. കൂടുതല്‍ വിവരങ്ങള്‍ക്ക് http://www.pmsvanidhi.mohua.gov.in എന്ന ഔദ്യോഗിക വെബ്സൈറ്റ് സന്ദർശിക്കാവുന്നതാണ്.

ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക