ഡാഷ് ആന്റ് ഡോട്ടിന്റെ കറുപ്പ് നിറത്തിലുള്ള സ്ലീവ്ലെസ് പാന്റ് സ്യൂട്ടും ഗുച്ചി ബാഗും; ഫാഷൻ ലോകത്തേക്ക് സ്റ്റൈലിഷായി തിരിച്ചെത്തി അച്ചു ഉമ്മൻ- ചിത്രങ്ങൾ കാണാം.

ഒരിടവേളയ്ക്ക് ശേഷം ഫാഷൻ ലോകത്തേക്ക് തിരിച്ചെത്തി മുൻ മുഖ്യമന്ത്രി ഉമ്മൻ ചാണ്ടിയുടെ മകള്‍ അച്ചു ഉമ്മൻ. ഇൻസ്റ്റഗ്രാമില്‍ പുതിയ ചിത്രം പങ്കുവെച്ചാണ് അച്ചു ഉമ്മൻ തിരിച്ചെത്തിയതായി അറിയിച്ചത്. നേരത്തെ പുതുപ്പള്ളി ഉപതിരഞ്ഞെടുപ്പിന്റെ തിരക്കുകളിലായിരുന്നു.

ഡാഷ് ആന്റ് ഡോട്ട് ബ്രാന്റിന്റെ കറുപ്പ് നിറത്തിലുള്ള സ്ലീവ്ലെസ് പാന്റ് സ്യൂട്ടിലാണ് ഇത്തവണ അച്ചു ഉമ്മൻ എത്തിയത്. ഇതിന്റെ ചുവപ്പ് റിബ്ബണ്‍ ടൈയാണ് ഈ ഔട്ട്ഫിറ്റിന്റെ പ്രത്യേകത. ഒപ്പം മുത്തുകള്‍ പിടിപ്പിച്ച ചുവപ്പ് നിറത്തിലുള്ള ഗുച്ചി ബ്രാൻഡിന്റെ ഷോള്‍ഡര്‍ ബാഗും കൈയിലുണ്ട്.