പ്രമുഖ സിനിമാ നടിയും മുൻ ലോക്സഭാ അംഗവുമായ ദിവ്യ സ്പന്ദന മരിച്ചു എന്ന തരത്തില് സമൂഹ മാധ്യമങ്ങളില് വ്യാപക പ്രചാരണം നടക്കുന്നുണ്ട്. ഹൃദയാഘാടതത്തെ തുടര്ന്ന് ദിവ്യയെ ഇന്നലെ ആശുപത്രിയില് പ്രവേശിപ്പിച്ചതായും. പിന്നീട് ആരോഗ്യസ്ഥിതി വഷാളാവുകയും മരണത്തിന് കീഴടങ്ങുകയും ചെയ്തതായാണ് പ്രചാരണങ്ങളില് പറയുന്നത്. പലരും ദിവ്യയുടെ അകാല വിയോഗത്തിലെ നടുക്കവും അനുശോചനവും സമൂഹമാധ്യമങ്ങളില് പങ്കുവയ്ക്കുമ്ബോഴും താരം ആരോഗ്യവതിയായി ഇരിക്കുന്നുണ്ട് എന്നതാണ് യാഥാര്ത്ഥ്യം.
“Shocking News: Actress Divya Spandana passed away due to Heart Attack”
— K. P. Maya Reddy (@mayareddykp) September 6, 2023
Just couldn’t believe. Is this true ??? Or Fake news ??? pic.twitter.com/MZEkW6vnPL
സംഭവം വൈറലായതോടെ ദിവ്യ തന്നെ സമൂഹമാധ്യമമായ എക്സില് പോസ്റ്റിട്ടു. ഒരു പേരില് എന്തിരിക്കുന്നു, പലതുമുണ്ട് എന്നാണ് താരം പോസ്റ്റ് ചെയ്തത്. എന്നാല്, സഭവം മനസ്സിലാകാതെ ഇതിന് താഴെയും ചിലര് താരത്തിന്റെ ആത്മാവിന് നിത്യശാന്തി നേരുകയും അവരുടെ അവസാന പോസ്റ്റായല്ലോ ഇതെന്ന് പരിതപിക്കുകയും ചെയ്തു.
What’s in a name? A lot, apparently.
— Ramya/Divya Spandana (@divyaspandana) September 5, 2023
നിലവില് ദിവ്യ വിദേശത്താണുള്ളത്. അവരുമായി സംസാരിച്ചതായും താരം വൈകാതെ തന്നെ ബംഗളൂരുവിലേക്ക് തിരിച്ചെത്തുമെന്നും അറിയിച്ചതായി മാധ്യമ പ്രവര്ത്തക ചിത്ര സുബ്രഹ്മണ്യം എക്സില് പോസ്റ്റ് ചെയ്തു. ജനീവയില്വച്ചുള്ള ഇരുവരുടെയും കൂടിക്കാഴ്ചയുടെ ഫോട്ടോയും ചിത്ര സുബ്രഹ്മണ്യം എക്സില് പോസ്റ്റ് ചെയ്തിട്ടുണ്ട്.
കന്നട ചലച്ചിത്ര താരം വിജയ് രാഘവേന്ദ്രയുടെ ഭാര്യ സ്പന്ദന കഴിഞ്ഞ ഞായറാഴ് ബാങ്കോക്കില്വച്ച് മരിച്ചിരുന്നു. കുടുംബാംഗങ്ങള്ക്കൊപ്പമുള്ള അവധിക്കാലം ആഘോഷിക്കാൻ വിദേശത്ത് പോയതായിരുന്നു സ്പന്ദന. ഹൃദയാഘാതമായിരുന്നു മരണകാരണം എന്ന് ബന്ധുക്കളെ ഉദ്ധരിച്ച് മാധ്യമങ്ങള് റിപ്പോര്ട്ട് ചെയ്തിരുന്നു. ഈ സംഭവവുമായി ബന്ധപ്പെടുത്തിയാണ് ചിലര് ചലച്ചിത്ര താരം ദിവ്യ സ്പന്ദന മരിച്ചു എന്ന തരത്തില് പ്രചരിപ്പിച്ചത്.