ഭാര്യയുടെ കാമുകന്റെ കഴുത്തറുത്ത് രക്തം കുടിച്ചു; ദൃശ്യങ്ങള്‍ പകര്‍ത്തി: ബാംഗ്ലൂരിൽ നിന്നുള്ള ഭീകര ദൃശ്യങ്ങൾ വാർത്തയോടൊപ്പം.

ഭാര്യയുടെ കാമുകന്റെ കഴുത്തറുത്ത് രക്തം കുടിച്ച യുവാവ് അറസ്റ്റില്‍. കര്‍ണാടകയിലെ ചിക്കബല്ലപൂരില്‍ ഈ മാസം പത്തൊൻപതിനാണ് സംഭവം നടന്നത്. ചിന്താമണി താലൂക്കിലെ മാരേഷ് എന്നയാള്‍ക്കാണ് പരിക്കേറ്റത്. സംഭവവുമായി ബന്ധപ്പെട്ട് വിജയ്‌ എന്നയാളെ പൊലീസ് അറസ്റ്റ് ചെയ്തു.തന്റെ ഭാര്യയുമായി മാരേഷിന് അവിഹിത ബന്ധമുണ്ടെന്ന് പ്രതിയ്ക്ക് സംശയമുണ്ടായിരുന്നു.

സംഭവദിവസം പ്രതിയും സുഹൃത്തായ ജോണും മാരേഷിനെ സമീപത്തെ കാട്ടില്‍ കൊണ്ടുപോകുകയായിരുന്നു. തുടര്‍ന്ന് വിജയ്, മാരേഷിനെ മര്‍ദിക്കുകയും കഴുത്ത് മുറിച്ച്‌ രക്തം കുടിക്കുകയും ചെയ്തു. ദൃശ്യങ്ങള്‍ ജോണ്‍ തന്റെ ഫോണിലെ ക്യാമറയില്‍ പകര്‍ത്തിയിരുന്നു. ഇത് സോഷ്യല്‍ മീഡിയയില്‍ പ്രചരിക്കുന്നുണ്ട്. പരിക്കേറ്റ മാരേഷ് ആശുപത്രിയിലെ ചികിത്സയ്ക്ക് ശേഷം വീട്ടിലേക്ക് പോയി. തുടര്‍ന്ന് യുവാവ് പൊലീസില്‍ പരാതി നല്‍കുകയായിരുന്നു.