തിരുവനന്തപുരം: സംസ്ഥാനത്ത് മില്മ പാലിന് വില വീണ്ടും കൂടും. മില്മയുടെ പച്ച, മഞ്ഞ കവറുകളിലെ പാലിനാണ് വില കൂട്ടാന് അധികൃതര് തീരുമാനിച്ചത്. 29 രൂപയായിരുന്ന മില്മ റിച്ചിന് 31 രൂപയാകും. 24 രൂപയുടെ മില്മ സ്മാര്ട്ടിന് 25 രൂപയാകും. അതേസമയം ഏറെ ആവശ്യക്കാരുള്ള നീല കവര് പാലിന് വില കൂടില്ല. രണ്ടു മാസം മുന്പ് നീല കവര് പാലിന് വില കൂട്ടിയിരുന്നു. നാളെമുതല് പുതിയ വില പ്രാബല്യത്തില് വരും. ഈ പാല് വിപണിയില് കുറഞ്ഞ അളവില് മാത്രമേ ചെലവാകുന്നുള്ളൂ എന്ന് മില്മ അധികൃതര് പറഞ്ഞു.
വലിയ നഷ്ടം നേരിടുന്ന സാഹചര്യത്തിലാണ് നടപടിയെന്നാണ് വിശദീകരണം. എന്നാല് ഈ വില കൂടലുകൊണ്ടൊന്നും നികത്താനാവാത്ത നഷ്ടമാണ് മില്മ നേരിടുന്നതെന്നും അധികൃതര് വ്യക്തമാക്കുന്നു. മില്മ റിച്ച് കവറും മില്മ സ്മാര്ട് കവറും വിറ്റ് പോകുന്നത് മൊത്തം വില്പനയുടെ അഞ്ച് ശതമാനം മാത്രമാണ്.എന്നാല് മില്മ പാല് വില വര്ധിപ്പിച്ചത് അറിയിച്ചിട്ടില്ലെന്ന് ക്ഷീരവികസന മന്ത്രി ജെ. ചിഞ്ചുറാണി പ്രതികരിച്ചു. വില വര്ധനവിനെക്കുറിച്ച് മില്മ അറിയിച്ചിട്ടില്ലെന്നും ഒരു വിവരവും അറിയിക്കാതെ പെട്ടെന്നാണ് വില വര്ധിപ്പിച്ചതെന്നും മന്ത്രി കുറ്റപ്പെടുത്തി. വില വര്ധിപ്പിച്ചതിനെക്കുറിച്ച് മില്മയില്നിന്ന് വിശദീകരണം തേടുമെന്നും മന്ത്രി മാധ്യമപ്രവര്ത്തകരുടെ ചോദ്യത്തിന് മറുപടിയായി പറഞ്ഞു. പരമാവധി പാലുല്പാദനം വര്ധിപ്പിക്കാനാണ് വകുപ്പ് ശ്രമിക്കുന്നതെന്നും മന്ത്രി അറിയിച്ചു.
റിപൊസിഷനിങ് മില്മ എന്ന പുതിയ പദ്ധതി ഉദ്ഘാടനം ചെയ്യുന്നതിന്റെ ഭാഗമായാണ് ഇപ്പോള് വില കൂടുന്നത്. ബ്രാന്ഡ് ഇമേജ് മെച്ചപ്പെടുത്തുന്നതിന്റെ ഭാഗമായി സംസ്ഥാനമാകെ ഏകീകൃത രീതിയിലുള്ള പാക്കിങ്, ഡിസൈന്, ഗുണനിലവാരം, വില, തൂക്കം എന്നിവ നടപ്പാക്കുന്ന പദ്ധതിയാണിത്. എന്നാല് വില കൂട്ടിയതല്ല ഏകീകരിച്ചതാണെന്നാണ് വിശദീകരണം. നേരത്തെ മറ്റു ഉല്പ്പന്നങ്ങള്ക്ക് വില കൂട്ടിയപ്പോള് റിച്ചും സ്മാര്ട്ട് കൂടിയിരുന്നില്ലെന്നും വിശദീകരണത്തില് പറയുന്നു.
എന്നും മില്മ .പാല്, തൈര്, നെയ്യ്, ഫ്ളേവേഡ് മില്ക് എന്നീ ഉല്പന്നങ്ങളാണ് ആദ്യ ഘട്ടത്തില് പദ്ധതിയില് ഉള്പ്പെടുത്തിയിരിക്കുന്നതെന്നു മില്മ ചെയര്മാന് കെ.എസ്.മണി അറിയിച്ചിരുന്നു. നിലവില് മൂന്നു മേഖല യൂണിയനുകള് പുറത്തിറക്കുന്ന പാല് ഒഴിച്ചുള്ള ഉല്പന്നങ്ങളുടെ പാക്കിങും തൂക്കവും വിലയും ഒരുപോലെ അല്ല. ഇതു മാറി ഏകീകൃത രീതി നടപ്പാക്കാനുള്ള പ്രവര്ത്തനം ഒരു വര്ഷം മുന്പാണ് മില്മ ആരംഭിച്ചത്. രാജ്യാന്തര വിപണിയിലടക്കം മത്സരാഥിഷ്ഠിതമായി സാന്നിധ്യം വിപുലപ്പെടുത്താന് ലക്ഷ്യമിട്ടാണു പദ്ധതി.