ഇലഞ്ഞിമേല്(ആലപ്പുഴ): അമിതമായി മദ്യപിച്ച് കാറിനുള്ളില് ബഹളമുണ്ടാക്കിയ സ്ത്രീയെയും പുരുഷനെയും നാട്ടുകാര് പോലീസിലേല്പ്പിച്ചു. വള്ളിക്കാവ് ക്ഷേത്രത്തിനു പടിഞ്ഞാറ് കൊട്ടാരത്തില്പ്പടിക്കു സമീപമാണ് കാറിനുള്ളില് രണ്ടുപേരും ബഹളമുണ്ടാക്കിയത്. സ്ത്രീയുടെ കരച്ചിലും ബഹളവും കേട്ട് നാട്ടുകാരില് ചിലര് നോക്കിയപ്പോഴാണ് കാറിനുള്ളില് ഇവരെ കണ്ടത്.
രണ്ടുപേരും അമിതമായി മദ്യംകഴിച്ച നിലയിലായിരുന്നു. തന്നെ ഇയാള് മര്ദിച്ചെന്ന് സ്ത്രീ നാട്ടുകാരോടു പറഞ്ഞു. സ്ത്രീ ആരാണെന്ന് നാട്ടുകാര് ചോദിച്ചപ്പോള് പരസ്പരബന്ധമില്ലാതെയാണ് ഇയാള് സംസാരിച്ചത്.
നാട്ടുകാര് അറിയിച്ചതിനെത്തുടര്ന്ന് പോലീസെത്തി ഇരുവരെയും സ്റ്റേഷനിലേക്കു കൂട്ടിക്കൊണ്ടുപോയി. മദ്യപിച്ച് വാഹനമോടിച്ചതിന് ഇയാളുടെ പേരില് കേസെടുത്തു. സ്ത്രീയെ വിട്ടയച്ചു. പുരുഷന് ചെന്നിത്തല സ്വദേശിയും സ്ത്രീ മുതുകുളം സ്വദേശിയുമാണ്. വാടകയ്ക്കെടുത്ത കാറിലാണ് ഇവര് വന്നത്.