കോഴിക്കോട്: ഹോട്ടല്‍ വരാന്തയില്‍ ഉറങ്ങിക്കിടക്കവെ മദ്യലഹരിയില്‍ എത്തിയ യുവാവ് തീകൊളുത്തിയയാള്‍ മരിച്ചു. മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന കൊടുവള്ളി സ്വദേശി തണ്ണിമുണ്ടക്കാട് ഷൗക്കത്ത് (48) ആണ് മരിച്ചത്.
മാര്‍ച്ച്‌ 12-ന് രാത്രി പന്ത്രണ്ടോടെയാണ് സംഭവം. കോഴിക്കോട് റെയില്‍വേക്ക് സമീപത്തെ ഹോട്ടലിന്‍റെ മുന്‍ഭാഗത്ത് ഉറങ്ങവെ ഷൗക്കത്തിന്‍റെ ദേഹത്ത് മണി പെട്രോള്‍ ഒഴിച്ച്‌ തീകൊളുത്തുകയായിരുന്നു. സമീപത്തെ സി.സി.ടി.വി കാമറയില്‍ നിന്ന് ദേഹത്തേക്ക് പെട്രോള്‍ ഒഴിക്കുന്നതിന്‍റെയും തീകൊളുത്തുന്നതിന്‍റെ ദൃശ്യങ്ങള്‍ ലഭിച്ചിട്ടുണ്ട്.
തുടര്‍ന്ന്, ടൗണ്‍ പൊലീസ് എത്തി ആംബുലന്‍സിലാണ് ഷൗക്കത്തിനെ മെഡിക്കല്‍ കോളജ് ആശുപത്രിയിലെത്തിച്ചത്. തമിഴ്നാട് സ്വദേശി മണിയാണ് തീകൊളുത്തിയത് എന്ന ഷൗക്കത്തിന്‍റെ മൊഴിപ്രകാരം തലശേരിയില്‍ നിന്ന് ഇയാളെ അറസ്റ്റ് ചെയ്തിരുന്നു. കോടതിയില്‍ ഹാജരാക്കിയ പ്രതി റിമാന്‍ഡിലാണ്.
