തിരുവനന്തപുരം: വിദേശത്തു പോകുന്നവര്ക്കു നല്കുന്ന കോവിഡ് വാക്സിനേഷന് സര്ട്ടിഫിക്കറ്റില് ബാച്ച് നമ്ബറും തിയതിയും കൂടി ചേര്ക്കുമെന്ന് ആരോഗ്യ മന്ത്രി വീണാ ജോര്ജ്. ചില വിദേശ രാജ്യങ്ങള് വാക്സിനെടുത്ത തിയതിയും വാക്സിന്റെ ബാച്ച് നമ്ബരും കൂടി ആവശ്യപ്പെടുന്ന പശ്ചാത്തലത്തിലാണ് ഇവ കൂടി സര്ട്ടിഫിക്കറ്റില് ഇവകൂടി സര്ക്കാര് നിര്ദേശം നല്കിയത്.
ഇതിനായുള്ള ഇ ഹെല്ത്തിന്റെ പോര്ട്ടലില് അപ്ഡേഷന് നടത്തിവരികയാണ്. അടുത്ത ദിവസം മുതല് തന്നെ ബാച്ച് നമ്ബരും തിയതിയും ചേര്ത്ത പുതിയ സര്ട്ടിഫിക്കറ്റ് ലഭിക്കും. നേരത്തെ സര്ട്ടിഫിക്കറ്റ് എടുത്ത, ബാച്ച് നമ്ബരും തിയതിയും ആവശ്യമുള്ളവര്ക്ക് അവകൂടി ചേര്ത്ത് പുതിയ സര്ട്ടിഫിക്കറ്റ് നല്കും.
തീയതിയും ബാച്ച് നമ്ബരും കൂടി ആവശ്യമുള്ള നേരത്തെ സര്ട്ടിഫിക്കറ്റ് എടുത്തവര് സംസ്ഥാന സര്ക്കാരിന്റെ https:// covid19.kerala.gov.in/vaccine/ എന്ന പോര്ട്ടലില് പ്രവേശിച്ച് ലഭിച്ച പഴയ സര്ട്ടിഫിക്കറ്റ് കാന്സല് ചെയ്തു വേണം പുതിയതിന് അപേക്ഷിക്കേണ്ടത്. ശേഷം, മുമ്ബ് ബാച്ച് നമ്ബരും തിയതിയുമുള്ള കോവിന് സര്ട്ടിഫിക്കറ്റ് ലഭിച്ചിട്ടുള്ളവര് അത് പോര്ട്ടലില് അപ് ലോഡ് ചെയ്യണം.
കോവിന് പോര്ട്ടലില്നിന്നു സര്ട്ടിഫിക്കറ്റ് ലഭിക്കാത്തവര് വാക്സിനെടുത്ത കേന്ദ്രത്തില്നിന്നു ബാച്ച് നമ്ബറും തിയതിയും കൂടി എഴുതി വാങ്ങിയ സര്ട്ടിഫിക്കറ്റ് അപ് ലോഡ് ചെയ്യണം. അപേക്ഷകള് പരിശോധിച്ച് തിയതിയും ബാച്ച് നമ്ബറുമുള്ള പുതിയ സര്ട്ടിഫിക്കറ്റ് നല്കും. അപേക്ഷിച്ചവര്ക്കു തന്നെ പിന്നീട് പോര്ട്ടലില്നിന്നു സര്ട്ടിഫിക്കറ്റ് ഡൗണ്ലോഡ് ചെയ്യാം.
വാക്സിനെടുത്ത് വിദേശത്ത് പോകുന്നവര്ക്ക് ഉടന് തന്നെ സര്ട്ടിഫിക്കറ്റ് നല്കുന്നതിനുള്ള ക്രമീകരണങ്ങള് പോര്ട്ടലില് വരുത്തിയിട്ടുണ്ട്. വാക്സിന് നല്കി കഴിയുമ്ബോള് വ്യക്തിയുടെ രജിസ്റ്റര് ചെയ്ത മൊബൈല് നമ്ബറില്, സര്ട്ടിഫിക്കറ്റ് നമ്ബര് അടങ്ങിയ എസ്എംഎസ് ലഭിക്കും. ഉടന് തന്നെ അവര്ക്ക് പോര്ട്ടലില്നിന്നു സര്ട്ടിഫിക്കറ്റ് ഡൗണ് ലോഡ് ചെയ്യാം. കൂടുതല് വിവരങ്ങള്ക്കു ദിശ 1056, 104 എന്ന നമ്ബറുകളില് ബന്ധപ്പെടാം.