തിരുവനന്തപുരം: കോണ്ഗ്രസില് വീണ്ടും പൊട്ടിത്തെറി. കെപിസിസി രാഷ്ട്രീയകാര്യ സമിതിയില് നിന്നും കെപിസിസി മുന് അധ്യക്ഷനും മുതിര്ന്ന കോണ്ഗ്രസ് നേതാവുമായ വി.എം.സുധീരന് രാജിവച്ചു. പുതിയ നേതൃത്വത്തിനെതിരെ വിമര്ശനം ഉന്നയിച്ചാണ് സുധീരന് രാജിവച്ചിരിക്കുന്നത്. വെള്ളിയാഴ്ച രാത്രിയാണ് സുധീരന് കെപിസിസി അധ്യക്ഷന് കെ. സുധാകരന് രാജിക്കത്ത് കൈമാറിയത്.രാഷ്ട്രീയകാര്യസമിതി നോക്കുകുത്തിയായെന്നും സുധീരന് പരാതി ഉന്നയിച്ചു. പാര്ട്ടിയില് വേണ്ടത്ര കൂടിയാലോചന നടക്കുന്നില്ല. കെപിസിസി പുനഃസംഘടനയുമായി ബന്ധപ്പെട്ട് താനുമായി കൂടിയാലോചന ഉണ്ടായില്ല. പുതിയ നേതൃത്വം വന്ന ശേഷം തീരുമാനങ്ങള് ഏകപക്ഷീയമാണെന്നും സുധീരന് പരാതി ഉന്നയിച്ചു.