തിരുവിതാംകൂര് രാജകുടുംബാംഗമായ ആദിത്യ വര്മ്മയ്ക്ക് വാഹനങ്ങളോട് വലിയ ക്രേസ് തന്നെയുണ്ട്. കഴിഞ്ഞ വര്ഷം ആദിത്യ വര്മ്മ ഔഡി A4 ആഡംബര സെഡാൻ വാങ്ങിയ വിശേഷവും വാര്ത്തയായിരുന്നു. ഇപ്പോഴിതാ, തിരുവിതാംകൂര് രാജകുടുംബത്തിന്റെ സ്വകാര്യവസതിയായ കവടിയാര് കൊട്ടാരത്തിലേക്ക് പുതിയൊരു അതിഥി കൂടി എത്തിയിരിക്കുകയാണ്. ജർമ്മൻ ആഡംബര ഇരുചക്ര വാഹന ബ്രാന്ഡായ ബിഎംഡബ്ല്യു K1600B ഗ്രാൻഡ് അമേരിക്കയാണ് ആ അതിഥി.
ആദിത്യ വര്മ്മ ബിഎംഡബ്ല്യു K1600B ഗ്രാൻഡ് അമേരിക്ക ഏറ്റുവാങ്ങുന്ന വീഡിയോ സോഷ്യല് മീഡിയയില് പ്രചരിക്കുകയാണ്. 33 ലക്ഷം രൂപയാണ് ഇതിന്റെ എക്സ്ഷോറൂം വില. പരിഷ്കരിച്ച എഞ്ചിൻ, ഇലക്ട്രോണിക്സ്, ഫീച്ചര് സെറ്റുകള്, കളര്വേകള് എന്നിവയാണ് K 1600 ലൈനപ്പിന്റെ പ്രത്യേകതകള്.