ഒരു മുത്തശ്ശി കഥയുടെ ഭാവത്തോടെ ആരംഭിച്ച് തീപാറുന്ന പോരാട്ടങ്ങളിലൂടെ മുന്നേറുന്ന രംഗങ്ങളുമായി പ്രഭാസ് (Prabhas), പൃഥ്വിരാജ് സുകുമാരൻ (Prithviraj Sukumaran) ചിത്രം ‘സലാര്’ ട്രെയ്ലര് (Salaar trailer). ചിത്രം റിലീസ് ചെയ്യുന്ന അഞ്ചു ഭാഷകളിലും ട്രെയ്ലര് റിലീസ് ചെയ്തു.ഇന്ത്യൻ സിനിമാലോകം ആകാംക്ഷയോടെ കാത്തിരിക്കുന്ന ചിത്രമാണ് ഹോംബാലെ ഫിലിംസ് നിര്മ്മിക്കുന്ന ‘സലാര് ഭാഗം 1 സീസ്ഫയര്’ (Salaar).
പ്രഭാസിനെ നായകനാക്കി പ്രശാന്ത് നീല് സംവിധാനം ചെയ്യുന്ന ചിത്രം ആരാധകര്ക്കിടയിലും പ്രേക്ഷകര്ക്കിടയിലും പ്രതീക്ഷ വാനോളമാണ്. ഡിസംബര് 22 ന് ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളില് ഈ ആക്ഷൻ വിസ്മയത്തിന് സാക്ഷ്യം വഹിക്കാൻ പ്രേക്ഷകര്ക്കുമാകും.രണ്ട് മണിക്കൂറും 55 മിനിറ്റും ദൈര്ഘ്യമുള്ള ചിത്രം ഒരു ആക്ഷൻ ചിത്രത്തേക്കാളുപരി രണ്ട് ഉറ്റ സുഹൃത്തുക്കളുടെ സൗഹൃദവും പിന്നീടുണ്ടാകുന്ന സംഭവ വികാസങ്ങളുമാണ് പറയുന്നത്.
വരധരാജ മന്നാര് എന്ന കഥാപാത്രത്തെയാണ് പൃഥ്വിരാജ് അവതരിപ്പിക്കുന്നത്. വരധരാജിന്റെ ബാല്യകാല സുഹൃത്ത് ദേവ് എന്ന നായക കഥാപാത്രത്തെയാണ് പ്രഭാസ് അവതരിപ്പിക്കുക. ശ്രുതി ഹാസനാണ് ചിത്രത്തിലെ നായിക.
ഇവര്ക്ക് പുറമേ ജഗപതി ബാബു, ഈശ്വരി റാവു, ശ്രിയ റെഡ്ഡി എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു. ഭുവൻ ഗൗഡ ഛായാഗ്രഹണം നിര്വഹിക്കുന്ന ചിത്രത്തിന്റെ എഡിറ്റര് ഉജ്വല് കുല്ക്കര്ണി ആണ്. ഹോംബാലെ ഫിലിംസിന്റെ ബാനറില് വിജയ് കിരഗണ്ടൂര് ആണ് സലാര് നിര്മിക്കുന്നത്. സലാര് കേരളത്തില് ഡിസംബര് 22ന് പൃഥ്വിരാജ് പ്രൊഡക്ഷൻസ് തീയറ്ററുകളില് എത്തിക്കും.