ദശലക്ഷക്കണക്കിന് ആളുകള്‍ ദിവസവും ഇന്ത്യൻ റെയില്‍വേയിലൂടെ യാത്ര ചെയ്യുന്നതിനാല്‍, റെയില്‍വേ പ്ലാറ്റ്‌ഫോമുകളില്‍ ഒരു ബിസിനസ്സ് ആരംഭിക്കുന്നതിന് വലിയ സാധ്യതകളുണ്ട്. റെയില്‍വേ സ്റ്റേഷനില്‍ ചായ, കാപ്പി, ഭക്ഷണം, കുപ്പിവെള്ളം, പുസ്തകങ്ങള്‍, കളിപ്പാട്ടങ്ങള്‍, പത്രങ്ങള്‍, മറ്റ് വസ്തുക്കള്‍ എന്നിവ വില്‍ക്കുന്ന ഒരു കട തുറക്കുന്നത് സ്ഥിരമായ വരുമാനം ഉറപ്പാക്കാനും സഹായിക്കും.
റെയില്‍വേ സ്റ്റേഷനില്‍ എങ്ങനെ ഒരു കട തുറക്കാം?
പ്ലാറ്റ്‌ഫോമുകളില്‍ കട തുറക്കുന്നതിന് ഇന്ത്യൻ റെയില്‍വേ പതിവായി ടെൻഡറുകള്‍ ക്ഷണിക്കാറുണ്ട്. ഐആര്‍സിടിസി പോര്‍ട്ടലില്‍ ടെൻഡറുകളുടെ ലഭ്യത പരിശോധിക്കാം. നിങ്ങള്‍ തുറക്കാൻ ആഗ്രഹിക്കുന്ന സ്റ്റോറിന്റെ തരം അനുസരിച്ച്‌ ടെൻഡര്‍ പൂരിപ്പിക്കാം. പുസ്തകങ്ങള്‍, ചായ, ഭക്ഷണം, പത്രങ്ങള്‍, കുപ്പിവെള്ളം, കളിപ്പാട്ടങ്ങള്‍ എന്നിവ വില്‍ക്കുന്ന കടകളില്‍ നിന്ന് നിങ്ങള്‍ക്ക് ഇഷ്ടമുള്ളവ തിരഞ്ഞെടുക്കാം.ഷോപ്പിന്റെ സ്ഥാനവും വലുപ്പവും അനുസരിച്ച്‌ റെയില്‍വേയ്ക്ക് ഫീസ് നല്‍കണം. ഈ നിരക്ക് 30,000 രൂപ മുതല്‍ 40,000 രൂപ വരെയാകാം.നിങ്ങളുടെ ഷോപ്പ് ശ്രദ്ധാപൂര്‍വം ഒരു പ്രധാന സ്ഥലത്ത് സജ്ജീകരിക്കുക എന്നതാണ് ശ്രദ്ദിക്കേണ്ട കാര്യം.
ടെൻഡറുകള്‍ക്ക് എങ്ങനെ അപേക്ഷിക്കാം?
റെയില്‍വേ സ്റ്റേഷനില്‍ ഒരു ഷോപ്പ് തുറക്കാൻ താല്‍പ്പര്യമുണ്ടെങ്കില്‍, ഏതെങ്കിലും ടെൻഡറുകള്‍ ലഭ്യമാണോയെന്ന് പരിശോധിക്കാൻ ഐആര്‍സിടിസി വെബ്സൈറ്റ് സന്ദര്‍ശിക്കണം. ടെൻഡര്‍ പുറത്തുവന്നിട്ടുണ്ടെങ്കില്‍ റെയില്‍വേയുടെ സോണല്‍ ഓഫീസില്‍ നേരിട്ട് അപേക്ഷ നല്‍കാം. റെയില്‍വേ ടെൻഡറുകള്‍ക്ക് അപേക്ഷിക്കുന്നതിന്, വോട്ടര്‍ ഐഡി കാര്‍ഡ്, പാൻ കാര്‍ഡ്, ആധാര്‍ കാര്‍ഡ് എന്നിവ പോലുള്ള ആവശ്യമായ രേഖകള്‍ ഉണ്ടായിരിക്കണം. നിങ്ങള്‍ യോഗ്യതാ മാനദണ്ഡങ്ങള്‍ പാലിക്കുന്നുവെന്ന് റെയില്‍വേ സ്ഥിരീകരിക്കുകയും നിങ്ങളുടെ ടെൻഡര്‍ പരിശോധിച്ചുറപ്പിക്കുകയും ചെയ്തുകഴിഞ്ഞാല്‍ ടെൻഡര്‍ അനുവദിക്കും. ടെൻഡര്‍ ലഭിച്ച ശേഷം, റെയില്‍വേ പ്ലാറ്റ്‌ഫോമില്‍ ഷോപ്പ് തുറന്ന് ബിസിനസ്സ് നടത്താം. സ്റ്റേഷനില്‍ സംരംഭം പ്രവര്‍ത്തിപ്പിക്കാൻ അഞ്ച് വര്‍ഷമാണ് കാലാവധി.
