കമിതാക്കളുടെ അതിരുവിട്ട സല്ലാപങ്ങളും റീല്സ് ഷൂട്ടിംഗുമെല്ലാം ഡല്ഹി മെട്രോയില് പുതുമയല്ല. ഇതിനു നിയന്ത്രണങ്ങള് ഏര്പ്പെടുത്തിയിട്ടുണ്ടെങ്കിലും അതെല്ലാം മറികടന്നുള്ള കമിതാക്കളുടെ “ലീല’കള് മെട്രോയില് പതിവായി അരങ്ങേറുന്നു. കഴിഞ്ഞദിവസം ഇത്തരത്തില് മെട്രോയിലുണ്ടായ സംഭവം വലിയ വിവാദമായി. സഹയാത്രികര്ക്ക് അറപ്പുളവാക്കുന്ന വിധത്തിലുള്ള കമിതാക്കളുടെ കോളകുടിയാണു വിമര്ശനങ്ങള്ക്കു വഴിവച്ചത്. സോഷ്യല് മീഡിയയിലൂടെ പ്രചരിച്ച ഇതിന്റെ വീഡിയോയ്ക്ക് കടുത്ത വെറുപ്പാണ് നെറ്റിസൻസ് പ്രകടിപ്പിച്ചത്.
വീഡിയോ ആരംഭിക്കുന്പോള് യുവതി സീറ്റിലിരിക്കുകയാണ്. മുട്ടുകുത്തിനിന്നുകൊണ്ട് യുവാവ് കോളയുടെ കാൻ പൊട്ടിച്ച് യുവതിയുടെ വായിലൊഴിക്കുന്നു. തുടര്ന്നു കാമുകി ശീതളപാനീയം കാമുകന്റെ വായിലേക്കു തുപ്പുന്നു.കാമുകൻ കുറച്ചു കുടിച്ചതിനുശേഷം കാമുകിയുടെ വായിലേക്കു തിരിച്ചു തുപ്പിയൊഴിക്കുന്നു. വീണ്ടും കാമുകി കാമുകന്റെ വായിലേക്കു കോള തുപ്പുന്നു. സഹയാത്രികരുണ്ടെന്ന ബോധം പോലുമില്ലാതെയാണ് പ്രണയജോഡികളുടെ വീഡിയോ ചിത്രീകരണം.