കള്ളുകുടിക്കാത്ത, ബീഡി വലിക്കാത്ത, കഞ്ചാവ് ഉപയോഗിക്കാത്ത, ഗുണ്ടാ പിരിവ് വാങ്ങാത്ത മരട് അനീഷ്; തമിഴ്നാട്ടിൽ ടാസ്മാക്ക് നടത്തിയും, രാഷ്ട്രീയക്കാരുടെ കച്ചവടങ്ങൾക്ക് ഇടനില നിന്നും പ്രതിമാസം ലക്ഷങ്ങൾ സമ്പാദിക്കുന്നുണ്ടെന്ന് അവകാശവാദം: ഒരു ‘കു’പ്രസിദ്ധ ഗുണ്ടയുടെ ആത്മകഥ – വീഡിയോ കാണാം.

കേരളത്തിലെ കുപ്രസിദ്ധരായ ഗുണ്ടകളിൽ പ്രധാനിയാണ് മരട് അനീഷ്. പതിനാറാം വയസ്സിൽ താൻ ക്രിക്കറ്റ് കളിച്ചുകൊണ്ടാണ് ഈ ഗുണ്ടാ ഫീൽഡിലേക്ക് വന്നത് എന്നാണ് അദ്ദേഹം പറയുന്നത്. ഇപ്പോൾ തനിക്ക് പ്രതിമാസം ലക്ഷങ്ങൾ വരുമാനം ഉണ്ടെന്നും, നിയമവിരുദ്ധമായി അല്ല ഒന്നും സമ്പാദിക്കുന്നതെന്നും അയാൾ വ്യക്തമാക്കുന്നു.

എന്നാൽ കൊലപാതകവും കൊലപാതക ശ്രമവും ലഹരി കടത്തും അടക്കം നിരവധി കേസുകളിൽ പ്രതിയാണ്. ആലപ്പുഴയിൽ കോടതിയിൽ നിന്ന് ജാമ്യം കിട്ടി പുറത്ത് വന്നപ്പോൾ കോടതി കോമ്പൗണ്ടിനുള്ളിൽ വെച്ച് തന്നെ വാളുകൊണ്ട് കേക്ക് മുറിച്ച് ഇയാൾ നടത്തിയ ആഘോഷവും വലിയ വിവാദമായിരുന്നു. തന്റെ വളരെ സ്ട്രൈറ്റ് ആയ ജീവിതത്തെക്കുറിച്ച് പ്രമുഖ മാധ്യമപ്രവർത്തകൻ മാത്യു സാമുവേലുമായി മരട് അനീഷ് നടത്തുന്ന അഭിമുഖ സംഭാഷണ വീഡിയോ ചുവടെ കാണാം.