താനൂരില് വിനോദയാത്രാ സംഘം സഞ്ചരിച്ചിരുന്ന താനൂരില്ത്തിന് മുന്നേ പ്രദേശവാസി അപകടം ഉണ്ടാകുമെന്ന് മുന്നറിയിപ്പ് നൽകുന്ന വീഡിയോ ദൃശ്യങ്ങൾ പുറത്ത്. വൈകിട്ട് 7 മണിയോടെയാണ് അപകടമുണ്ടായത്. ബോട്ടില് മുപ്പതിലേറെ ആളുകളുണ്ടായിരുന്നുവെന്നാണ് നിഗമനം.
35 ഓളം യാത്രികരുമായിട്ടാണ് ബോട്ട് മുങ്ങിയത്. പരപ്പനങ്ങാടി-താനൂര് നഗരസഭാ അതിര്ത്തിയിലുള്ള ഒട്ടുംപുറം തൂവല്തീരത്ത് ആണ് വിനോദ യാത്ര ബോട്ട് മുങ്ങിയത്. എട്ടോളം പേരെ രക്ഷപ്പെടുത്തിയിട്ടുണ്ട്. രക്ഷപ്പെടുത്തിയവരില് പലരുടേയും നില ഗുരുതരമാണ്.
പരപ്പനങ്ങാടി, താനൂര് മേഖലയിലുള്ളവരാണ് ബോട്ടിലുണ്ടായിരുന്നവരില് അധികവും. അവധി ദിനമായതിനാല് തീരത്ത് സന്ദര്ശകര് ധാരാളമുണ്ടായിരുന്നു. പരപ്പനങ്ങാടി നഹാസ്, ജെ.എസ്.മിഷന്, തിരൂരങ്ങാടി താലൂക്ക് ആശുപത്രി, താനൂരിലെ വിവിധ ആശുപത്രികളിലുമായിട്ടാണ് രക്ഷപ്പെടുത്തിയവരെ പ്രവേശിപ്പിച്ചിട്ടുള്ളത്. പരിധിയില് കൂടുതല് പേര് ബോട്ടില് കയറിയതാണ് അപകടത്തിനു കാരണമെന്നാണ് നിഗമനം.