കൊല്ലത്ത് നീറ്റ് പരീക്ഷയ്ക്ക് എത്തിയ നൂറോളം പെൺകുട്ടികളെ അടിവസ്ത്രം അഴിപ്പിച്ചു; പെൺകുട്ടികൾ പരീക്ഷാഹാളിൽ എത്തിയത് അടിവസ്ത്രം ഇല്ലാതെ രണ്ടു നിലകൾ കയറി: പുറത്തുവരുന്നത് ഗൗരവകരമായ ആരോപണങ്ങൾ.

കൊല്ലത്ത് നീറ്റ് പരീക്ഷയ്ക്കായി എത്തിയ വിദ്യാര്‍ത്ഥിനികളുടെ അടിവസ്ത്രം അഴിപ്പിച്ചെന്ന് പരാതി. ചടയമംഗലത്തെ മാര്‍ത്തോമാ ഇന്‍സ്റ്റിറ്റ്യൂട്ട് ഓഫ് ഇന്‍ഫൊര്‍മേഷന്‍ ടെക്നോളജിയിലെ പരീക്ഷാ കേന്ദ്രത്തിലാണ് സംഭവം. നൂറിലധികം പെണ്‍കുട്ടികളുടെ അടിവസ്ത്രം ഇത്തരത്തില്‍ അഴിപ്പിച്ചെന്നാണ് പരാതിയില്‍ പറയുന്നത്.

താഴെ നിന്ന് രണ്ട് നിലകള്‍ ഇത്തരത്തില്‍ നടന്ന് കയറിയാണ് ഇവര്‍ ആണ്‍കുട്ടികള്‍ ഉള്‍പ്പടെയുള്ള പരീക്ഷാഹാളിലേക്ക് എത്തിയത്. സംഭവത്തെ തുടര്‍ന്ന് കടുത്ത മാനസിക സമ്മര്‍ദം അനുഭവിച്ചിരുന്നതായി വിദ്യാര്‍ഥിനികള്‍ പറഞ്ഞു. പരീക്ഷയ്ക്ക് ശേഷം കൂട്ടിയിട്ട നിലയാണ് അടിവസ്ത്രങ്ങള്‍ ലഭിച്ചതെന്നും പരാതിയില്‍ പറയുന്നു. മെറ്റല്‍ വസ്തു കണ്ടെത്തിയതിനെ തുടര്‍ന്നാണ് അടിവസ്ത്രം അഴിപ്പിച്ചതെന്നാണ് വിശദീകരണം.