ഗായിക അമൃത സുരേഷും സംഗീത സംവിധായകന്‍ ഗോപി സുന്ദറും ഒന്നിച്ചെന്ന വാര്‍ത്തകള്‍ പുറത്തുവന്നപ്പോള്‍ മുതല്‍ പലരും തിരഞ്ഞത് അമൃതയുടെ മകള്‍ അവന്തിക എന്ന പാപ്പുവിനെക്കുറിച്ചാണ്. ഇപ്പോഴിതാ അവന്തികയോടൊപ്പം നില്‍ക്കുന്ന ഗോപി സുന്ദറിന്റെയും അമൃതയുടെയും ചിത്രമാണ് പുറത്തുവന്നിരിക്കുന്നത്. ‘ഓം നമോ നാരായണായ’ എന്ന് കുറിച്ച്‌ ഗുരുവായൂര്‍ നടയില്‍ നില്‍ക്കുന്ന ചിത്രമാണ് അമൃത പങ്കുവച്ചിരിക്കുന്നത്. ഇരുവര്‍ക്കുമൊപ്പം സന്തോഷത്തോടെ ചിരിച്ചുനില്‍ക്കുന്ന പാപ്പുവിനെയാണ് ചിത്രത്തില്‍ കാണാന്‍ കഴിയുന്നത്.
ദിവസങ്ങള്‍ക്കു മുന്‍പാണ് അമൃതയെ ചേര്‍ത്തു പിടിച്ചുകൊണ്ടു നില്‍ക്കുന്ന സെല്‍ഫി ഗോപി സുന്ദര്‍ സോഷ്യല്‍ മീഡിയയിലൂടെ പങ്കുവച്ചത്. പിന്നിട്ട കാതങ്ങള്‍ മനസ്സില്‍ കുറിച്ച്‌ അനുഭവങ്ങളുടെ കനല്‍വരമ്ബു കടന്ന് കാലവും കാറ്റും പുതിയ വഴികളിലേക്ക്- എന്ന കുറിപ്പിനൊപ്പമായിരുന്നു ചിത്രം. ഗോപി സുന്ദറിന്റെ ജന്മദിനമായ ഇന്ന് ‘ഒരായിരം പിറന്നാള്‍ ആശംസകള്‍, എന്റേത്’ എന്ന അടിക്കുറിപ്പില്‍ അമൃത ചിത്രം പങ്കുവച്ചിരുന്നു.
അമൃതയുടെ സഹോദരിയും ഗായികയുമായ അഭിരാമി സുരേഷും ഗോപി സുന്ദറിന് ആശംസ നേര്‍ന്നിട്ടുണ്ട്. മാന്ത്രികമായ സംഗീതമുണ്ടാക്കുകയും തന്റെ സഹോദരിയെ ചിരിപ്പിക്കുകയും തന്നെ മൂത്ത മകളായി കാണുകളും ചെയ്യുന്ന സഹോദരനെ തനിക്ക് ലഭിച്ചു എന്നാണ് അഭിരാമി കുറിച്ചത്.
