കണ്ണൂരില് നടക്കുന്ന സിപിഎം പാര്ട്ടി കോണ്ഗ്രസ് സെമിനാറില് (cpim party congress seminar) പങ്കെടുത്ത് തമിഴ്നാട് മുഖ്യമന്ത്രി എം കെ സ്റ്റാലിന് (M K Stalin) പ്രസംഗിച്ചത് മലയാളത്തിൽ. ജവഹര് മൈതാനത്ത് തിങ്ങിനിറഞ്ഞ ജനാവലിയോട് പിണറായിയുമായുള്ള ഉറ്റബന്ധം എടുത്തുപറഞ്ഞാണ് സ്റ്റാലിന് സംസാരിച്ച് തുടങ്ങിയത്. ഇന്ത്യയിലെ വേറിട്ട മുഖ്യമന്ത്രിയാണ് പിണറായി വിജയന്. മതേതരത്വത്തിന്റെ മുഖാണ് അദ്ദേഹം. ഭരണത്തില് പിണറായി തനിക്ക് വഴികാട്ടിയെന്നും സ്റ്റാലിന് ജനക്കൂട്ടത്തോട് പറഞ്ഞു.
സെമിനാറില് പങ്കെടുക്കുന്നത് നിങ്ങളില് ഒരാളായാണ്. ആവേശത്തോടെയാണ് സെമിനാറിലേക്ക് എത്തിയത്. കമ്മ്യൂണിസ്റ്റ് പ്രസ്ഥാനവുമായുള്ള ബന്ധത്തിന് തന്റെ പേര് തന്നെ തെളിവെന്നും സ്റ്റാലിന് പറഞ്ഞു. സെമിനാറില് ബിജെപി നേതൃത്വത്തിന് എതിരെ രൂക്ഷവിമര്ശനവും സ്റ്റാലിന് നടത്തി. നാനാത്വം അട്ടിമറിച്ച് ഏകത്വം നടപ്പാക്കാന് ബിജെപി ശ്രമിക്കുകയാണ്. ബ്രിട്ടീഷുകാര് പോലും നടപ്പാക്കാത്ത നയമാണ് കേന്ദ്രത്തിന്റേതെന്നും സ്റ്റാലിന് കുറ്റപ്പെടുത്തി.