കോഴിക്കോട്: തിക്കൊടി പഞ്ചായത്ത് ഓഫീസിന് മുന്പില് യുവതിയെ തീകൊളുത്തി യുവാവ് ജീവനൊടുക്കാന് ശ്രമിച്ചു. ഇന്ന് രാവിലെ 9.50നാണ് സംഭവം. പഞ്ചായത്ത് ഓഫീസിലെ താത്കാലിക ജീവനക്കാരിയെയാണ് യുവാവ് ആക്രമിച്ചത്. ദിവസവേതന അടിസ്ഥാനത്തില് ഒരാഴ്ച മുന്പാണ് യുവതി പഞ്ചായത്തില് ജോലിക്ക് എത്തിയത്.
ഇവര് പരിചയക്കാരാണെന്നാണ് സൂചന. പെട്രോള് ഒഴിച്ചാണ് ഇയാള് യുവതിയെ തീകൊളുത്തിയത്. യുവതിയുടെ നിലവിളി കേട്ടെത്തിയ നാട്ടുകാരാണ് ഇരുവരെയും ആശുപത്രിയിലെത്തിച്ചത്. ഇരുവര്ക്കും ഗുരുതരമായി പൊള്ളലേറ്റിട്ടുണ്ട്. കൊയിലാണ്ടിയിലെ ആശുപത്രിയിലാണ് ഇവരെ പ്രവേശിപ്പിച്ചത്. സംഭവത്തില് പയ്യോളി സിഐയുടെ നേതൃത്വത്തില് അന്വേഷണം ആരംഭിച്ചു.