തിരുവനന്തപുരം: സ്കൂളുകള്‍ നവംബര്‍ ഒന്നിന് തുറക്കാനുള്ള ക്രമീകരണങ്ങള്‍ ആലോചിക്കാന്‍ വിദ്യാഭ്യാസ-ആരോഗ്യ വകുപ്പുകളുടെ യോഗം വ്യാഴാഴ്ച നടക്കും.പൊതുവിദ്യാഭ്യാസ മന്ത്രി വി. ശിവന്‍കുട്ടി, ആരോഗ്യമന്ത്രി വീണ ജോര്‍ജ് എന്നിവരുടെ സാന്നിധ്യത്തില്‍ വൈകീട്ട് അഞ്ചരക്ക് നടക്കുന്ന യോഗത്തില്‍ മുതിര്‍ന്ന ഉദ്യോഗസ്ഥര്‍ പെങ്കടുക്കും. വിദ്യാഭ്യാസ മന്ത്രിയുടെ നേതൃത്വത്തില്‍ ബുധനാഴ്ച പ്രാഥമിക കൂടിയാലോചന നടന്നു. ഒന്നുമുതല്‍ ഏഴുവരെയുള്ള ക്ലാസുകളും പത്ത്, 12 ക്ലാസുകളുമാണ് ആദ്യഘട്ടം തുറക്കുക.സംസ്ഥാനതലത്തില്‍ ബാധകമായ പൊതുമാര്‍ഗരേഖയും സ്കൂള്‍തലത്തില്‍ നടപ്പാക്കേണ്ട നിര്‍ദേശങ്ങളും പ്രത്യേകം തയാറാക്കാനാണ് ആലോചന. പ്രൈമറി ക്ലാസുകളില്‍ ഒരുസമയം ഹാജരാകുന്ന കുട്ടികളുടെ എണ്ണം പത്ത്, 12 ക്ലാസുകളെ അപേക്ഷിച്ച്‌ കുറക്കും. സ്കൂളിലെ ആകെ കുട്ടികളുടെ എണ്ണംകൂടി പരിശോധിച്ചുള്ള ശതമാന കണക്കാണ് വിദ്യാഭ്യാസവകുപ്പ് ആലോചിക്കുന്നത്. ഇക്കാര്യങ്ങളില്‍ ആരോഗ്യവകുപ്പിെന്‍റ അഭിപ്രായംകൂടി കേട്ടശേഷമാകും അന്തിമ തീരുമാനം.അധ്യാപക, അനധ്യാപക ജീവനക്കാരില്‍ വാക്സിനേഷന്‍ ബാക്കിയുണ്ടെങ്കില്‍ അത് പൂര്‍ത്തിയാക്കാന്‍ നടപടികളുണ്ടാകും. സ്കൂള്‍ തുറന്നശേഷം അധ്യാപകനോ കുട്ടികള്‍ക്കോ രോഗബാധ സ്ഥിരീകരിച്ചാല്‍ സ്വീകരിക്കേണ്ട നടപടിക്രമവും മാര്‍ഗരേഖയില്‍ ഉള്‍പ്പെടുത്തും. വിദ്യാര്‍ഥിക്ക് രോഗം ബാധിച്ചാല്‍ ആ കുട്ടിയുടെ ക്ലാസ് താല്‍ക്കാലികമായി സസ്പെന്‍ഡ് ചെയ്യുന്നതുള്‍പ്പെടെ നടപടികള്‍ സ്വീകരിക്കും.
