തിരുവനന്തപുരം: പതിനാറുകാരിയെ പീഡിപ്പിക്കാന്‍ ശ്രമിച്ച കേസില്‍ പ്രതിക്ക് 20 വര്‍ഷം കഠിനതടവും 88,000 രൂപ പിഴയും.തിരുവനന്തപുരം കുന്നുകുഴി സ്വദേശി അരുണിനെയാണ് (28) പ്രത്യേക അതിവേഗ പോക്‌സോ കോടതി ജഡ്‌ജി ആര്‍. ജയകൃഷ്ണന്‍ ശിക്ഷിച്ചത്. വിവിധ പൊലീസ് സ്റ്റേഷനുകളിലായി കൊലക്കേസുള്‍പ്പെടെ 17 ക്രിമിനല്‍ കേസുകളില്‍ പ്രതിയാണ് അരുണ്‍. 2019 മേയ് രണ്ടിനാണ് കേസിനാസ്പദമായ സംഭവം. ഹൈകോടതി ഉള്‍പ്പെടെ ജാമ്യം നിഷേധിച്ച പ്രതി റിമാന്‍ഡില്‍ കിടന്നാണ് വിചാരണ നേരിട്ടത്. 2019 ജൂലൈയില്‍ മ്യൂസിയം പൊലീസ് അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ചു.
ഇവിടെ ക്ലിക്ക് ചെയ്ത് ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
