കരുവന്നൂര് ബാങ്ക് തട്ടിപ്പില് മുന് എംപി പികെ.ബിജുവിന് പങ്കെന്ന് കോണ്ഗ്രസ് നേതാവ് അനില് അക്കര ആരോപിച്ചു. ഇഡിയുടെ റിമാന്റ് റിപ്പോര്ട്ട് ഞെട്ടിക്കുന്നതാണ്. തട്ടിപ്പിലെ മൊയ്തീൻ ബന്ധം നേരത്തെ അറിഞ്ഞതാണ്. മുന് എംപി.പികെ.ബിജു സാമ്ബത്തിക ഇടപാട് നടത്തിയ വിവരങ്ങളുണ്ട്. ഇഡി റിപ്പോര്ട്ടില് പറയുന്ന മുന് എംപി. പി.കെ. ബിജുവാണ്.
അദ്ദേഹം ആദ്യം ഓഫീസിട്ടത് പാലക്കാട് വടക്കഞ്ചേരിയിലാണ്. പിന്നീടത് പാര്ളിക്കാടേക്ക് മാറ്റി. കൊട്ടാര സദൃശ്യമായ വീടാണ് പര്ളിക്കാട്ടേത്. ബിജുവിന്റെ മെന്ററാണ് ആരോപണവിധേയനായ സതീശൻ.സതീശന്റെ പണമാണ് ബിജുവിന്റെ ശ്രോതസ്. കൊള്ളയുടെ പങ്കുപറ്റിയ പികെ. ബിജുവാണ് പാര്ട്ടിക്കു വേണ്ടി കരുവന്നൂര് തട്ടിപ്പ് അന്വേഷിച്ചത്.
പികെ ശശി ലൈംഗിക പീഡന കേസ് അന്വേഷിച്ചതു പോലെയാണിത്. പികെ. ബിജുവിന്റെ മുഴുവൻ സാമ്ബത്തിക കാര്യങ്ങളും കൈകാര്യം ചെയ്ത സതീശനെ സംരക്ഷിക്കുകയായിരുന്നു. പികെബിജുവിനും എസി മൊയ്തീനും കരുവന്നൂര് കൊള്ളയില് തുല്യ പങ്കാളിത്തമാണെന്നും അനില് അക്കര ആരോപിച്ചു.