ബിഗ് ബോസ് മലയാളം സീസണ്‍ നാളിലെ കരുത്തുറ്റ മത്സരാര്‍ത്ഥികളില്‍ ഒരാളായിരുന്നു ജാസ്മിന് എം മൂസ. ബോഡി ബില്‍ഡറായ ജാസ്മിന് ജീവിതത്തിലെ ഒട്ടേറെ പ്രതിസന്ധികള്‍ അതിജീവിച്ച്‌ വിജയിച്ചയാളാണ്. കോഴിക്കോട് മുക്കം സ്വദേശിയായ ജാസ്മിന് എം മൂസയുടെ ജീവിതം വളരെയധികം വെല്ലുവിളികള്‍ നിറഞ്ഞതായിരുന്നു. വളരെ ചെറുപ്പത്തില്‍ത്തന്നെ വിവാഹിതയായ ജാസ്മിന് ക്രൂരമായ ഗാര്‍ഹിക പീഡനത്തിന് ഇരയാവുകയായിരുന്നു.
ഷോയിലെ ഏറ്റവും കരുത്തയായ മത്സരാര്‍ത്ഥിയായിരുന്ന ജാസ്മിന് വളരെ ചുരുങ്ങിയ നാളുകള്‍ കൊണ്ടുതന്നെ വലിയൊരു ആരാധകവൃന്ദത്തെ സ്വന്തമാക്കാന്‍ സാധിച്ചു. താനൊരു ലെസ്ബിയനാണെന്ന് തുറന്നു പറഞ്ഞ ജാസ്മിന് തന്റെ ഗേള്‍ഫ്രണ്ടായ മോണിക്കയേയും പ്രേക്ഷകര്‍ക്ക് പരിചയപ്പെടുത്തിയിരുന്നു. ഇപ്പോഴിതാ ബിഗ് ബോസില്‍ നിന്നും ഇറങ്ങിയതിനു ശേഷം, താനും മോണിക്കയും വേര്‍പിരിഞ്ഞു എന്ന കാര്യം വെളിപ്പെടുത്തുകയാണ് ജാസ്മിന്. ഇന്‍സ്റ്റഗ്രാമില്‍ പങ്കുവച്ച വീഡിയോയിലാണ് ജാസ്മിന് ഇക്കാര്യം വ്യക്തമാക്കിയത്.
“എന്റെ വ്യക്തി ജീവിതത്തെ സംബന്ധിക്കുന്ന കുറച്ച്‌ കാര്യങ്ങള്‍ പങ്കുവെക്കാനുണ്ട്. നിങ്ങള്‍ക്ക് എല്ലാവര്‍ക്കും മോണിക്കയെ കുറിച്ച്‌ അറിയാം. എന്റെ ഗേള്‍ഫ്രണ്ട് ആയിരുന്നു. കഴിഞ്ഞ ഒന്നര കൊല്ലമായി മോണിക എന്റെ പങ്കാളിയുമാണ്. ഞാന്‍ ബിഗ് ബോസിലേക്ക് പോവുന്ന സമയത്ത് എന്റെ കുടുംബമായി നിന്നത് മോണിക്ക മാത്രമാണ്. പിന്നെ എന്റെ ഡോഗ് സിയാലോയും. ഞാന്‍ ഷോയിലേക്ക് പോയ സമയത്ത് സിയാലോയെ നോക്കിയത് മോണിക ആയിരുന്നു.
ഞങ്ങള്‍ രണ്ട് പേരെയും കുറിച്ചുള്ള ഒരു കാര്യം പറയാനാണ് വന്നത്. കഴിഞ്ഞ കുറച്ച ആഴ്ചകളായിട്ട് എനിക്കും മോണിക്കയ്ക്കും എതിരെ സൈബര്‍ ബുള്ളിങ്ങും അക്രമണങ്ങളുമൊക്കെ നടന്ന് കൊണ്ടിരിക്കുകയാണ്. ബിഗ് ബോസില്‍ വന്നത് കൊണ്ട് ഞാന്‍ അനുഭവിക്കുന്നുണ്ട്. അതുപോലെ തന്നെ ഇതിലൊന്നും പാര്‍ട്ട് അല്ലാത്ത മോണിക്കയും അനുഭവിക്കുകയാണ്. അത് അവള്‍ അര്‍ഹിക്കുന്നത് അല്ല.
ബിഗ് ബോസില്‍ നിന്നും വന്നപ്പോള്‍ ഞാന്‍ വൈകാരികപരമായും മാനസികമായും തകര്‍ന്നു. ഈ സാഹചര്യത്തില്‍ മോണിക്കയുമായി തുടര്‍ന്ന് പോവുന്നത് വളരെ ബുദ്ധിമുട്ടാണ്. കാരണം അവളുടെ കാര്യം നോക്കുന്ന ഒരാളുടെ കൂടെ ജീവിക്കാനുള്ള അര്‍ഹത അവള്‍ക്കുണ്ട്. എനിക്കതിന് സാധിക്കില്ലെന്ന് മനസിലാക്കാന്‍ പറ്റി. ഇത്രയും വെറുപ്പും കളിയാക്കലുകളൊന്നും അവള്‍ അര്‍ഹിക്കുന്നതല്ല. ആ കാരണം കൊണ്ട് അവളുമായി ബ്രേക്കപ്പ് ആവാമെന്ന് ഞാന്‍ തീരുമാനിച്ചു.
ഇത് പൊതുജനത്തിന് മുന്നില്‍ പറയാന്‍ കാരണമുണ്ട്. ബിഗ് ബോസിലേക്ക് പോവുന്നതിന് മുന്‍പ് ഞങ്ങളുടെ മാത്രം കാര്യമായിരുന്നു ഇത്. പക്ഷേ അതിന് ശേഷം എന്ത് പറഞ്ഞാലും ചെയ്താലും അതൊക്കെ ന്യൂസ് ആയിട്ടാണ് വരുന്നത്. ആ സാഹചര്യത്തിലാണ് നില്‍ക്കുന്നത്. അതുകൊണ്ടാണ് വെളിപ്പെടുത്തിയത്. ഞങ്ങളുടെ ബന്ധം അധികം മുന്നോട്ട് പോവില്ലെന്ന് എനിക്കറിയാം.
നമ്മള്‍ ഒരു റിലേഷന്‍ഷിപ്പില്‍ ആവുമ്ബോള്‍ എല്ലാ തരത്തിലും ആ പങ്കാളിയ്ക്ക് സാന്നിധ്യം കൊടുക്കണം. മാനസികമായും വൈകാരികമായും ശാരീരികമായും എല്ലാം വേണം. എനിക്കതിന് പറ്റുന്നില്ല. അതാണ് പിരിയാന്‍ കാരണം. മോണിക്കയുടെ കൂടെ ഒരുപാട് നല്ല ഓര്‍മ്മകളും മോശം കാര്യങ്ങളും ഉണ്ടായിട്ടുണ്ട്,” ജാസ്മിന് പറഞ്ഞു. രണ്ടുതവണ വിവാഹം കഴിച്ച ജാസ്മിന്റെ ജീവിതം നരക തുല്യമായിരുന്നു. എന്നാല്‍ ഇതെല്ലം അതിജീവിച്ച്‌ ജാസ്മിന് എന്ന പെണ്‍കരുത്ത് പുറത്തുവരുകയായിരുന്നു. ബാംഗ്ലൂര്‍ ആസ്ഥാനമായുള്ള ഒരു സര്‍ട്ടിഫൈഡ് ഫിറ്റ്നസിലെ പരിശീലകയാണ് ജാസ്മിന്.
